தமிழகத்தில் விரைவில் சட்டமன்ற பொதுத்தேர்தல் நடைபெற இருக்கும் நிலையில் இந்த தேர்தலில் அதிமுக, திமுக மட்டுமின்றி கமல்ஹாசனின் மக்கள் நீதி மய்யம் கட்சியும் போட்டியிடப் போகிறது. இந்த கட்சி ஏதாவது ஒரு கூட்டணியில் இணையுமா? அல்லது தனித்து போட்டியிடுமா? என்பதை பொறுத்திருந்து தான் பார்க்க வேண்டும்.

இந்த நிலையில் தேர்தல் வந்துவிட்டால் அரசியல் கட்சிகளுக்கு ஆதரவாக நடிகர் நடிகைகள் பிரச்சாரம் செய்து வருவது இயல்பான ஒன்று என்ற நிலையில் தற்போது மக்கள் நீதி மய்யம் கட்சிக்காக விஜய் படத்தில் நடித்த நடிகை ஒருவர் பிரச்சாரம் செய்து வருகிறார்

விஜய் நடித்த ’கில்லி’ திரைப்படத்தில் அவருடைய தங்கையாக குழந்தை நட்சத்திரமாக நடித்தவர் ஜெனிபர். இவர்தான் தற்போது விருகம்பாக்கம் பகுதியில் வீடு வீடாக சென்று மக்கள் நீதி மய்யம் கட்சிக்கு ஆதரவாக வாக்கு சேகரித்து வருகிறார். இதுகுறித்து அவர் கூறியதாவது:

ஒரு மாற்றம் வர வேண்டும் என்பதற்காக ஆண்டவர் போராடிக் கொண்டிருக்கிறார். அவர் வழியில் நான் கண்டிப்பா நிற்பேன். அவருக்கு சப்போர்ட் பண்ணுவேன். நடிக்கும்போது அவருக்கு சப்போர்ட் பண்ணேன். இப்போ நடிக்காமல் நல்லது பண்ண வேண்டும் என்று வந்திருக்கும்போதும் நான் அவருக்கு சப்போர்ட் பண்ணுவேன். கமல்ஹாசன் சாருக்கு வாழ்த்துக்கள். கண்டிப்பாக இந்த முறை மாறும். மக்கள் நீதி மய்யத்திற்கு ஓட்டு போடுங்க என்று தெரிவித்துள்ளார்.