பாஜக சீட் கொடுத்தால் நாடாளுமன்ற தேர்தலில் போட்டி: விஜய் பட நடிகை அறிவிப்பு!
- IndiaGlitz, [Sunday,October 30 2022]
பாரதிய ஜனதா கட்சி சீட் கொடுத்தால் நாடாளுமன்ற தேர்தலில் போட்டியிட தயார் என இயக்குனர் விஜய் படத்தில் நடித்த நடிகை ஒருவர் தெரிவித்துள்ளது பரபரப்பை ஏற்படுத்தி உள்ளது.
முன்னாள் முதல்வர் ஜெயலலிதாவின் வாழ்க்கை வரலாறு திரைப்படமான ‘தலைவி’ என்றா படத்தை பிரபல இயக்குனர் ஏஎல் விஜய் இயக்கினார் என்பதும், இந்த படத்தில் ஜெயலலிதா கேரக்டரில் பிரபல பாலிவுட் நடிகை கங்கனா ரனாவத் நடித்திருந்தார் என்பதும் தெரிந்ததே.
இந்த நிலையில் நடிகை கங்கனா சமீபத்தில் அளித்த பேட்டியில் பாரதிய ஜனதா கட்சி சீட் கொடுத்தால் வரும் 2024ஆம் ஆண்டு நாடாளுமன்ற தேர்தலில் போட்டியிடுவேன் என்று கூறியுள்ளார். இமாச்சல பிரதேசத்தில் உள்ள மக்களுக்கு சேவை செய்ய வாய்ப்பு கிடைத்தால் மிகுந்த மகிழ்ச்சி அடைவேன் என்று கூறிய அவர் மாண்டி தொகுதியில் நான் போட்டியிட வேண்டும் என மக்கள் விரும்புகின்றனர் என்றும் கூறினார்
இந்த நிலையில் நடிகை கங்கனா ரனாவத் பாரதிய ஜனதா கட்சியின் சார்பில் போட்டியிட விருப்பம் தெரிவித்தது குறித்து பாரதிய ஜனதா கட்சியின் தலைவர் ஜேபி நட்டா அவர்கள் கூறியபோது, ‘நடிகை கங்கனா பாரதிய ஜனதா கட்சியில் சேர விரும்பினால் அவரை வரவேற்க தயாராக இருக்கிறோம் என்றும் ஆனால் போட்டியிடுவதற்கு சீட் கொடுப்பது குறித்து கட்சி உறுப்பினர்கள் ஆலோசித்து முடிவு செய்வார்கள்’ என்றும் தெரிவித்தார்.