விஜய் குடும்பமே இந்த நடிகருக்கு ரசிகர்களாம்
- IndiaGlitz, [Wednesday,October 05 2016]
தனுஷ் நடித்த 'கொடி' படத்தின் பாடல்கள் இன்று அதிகாலை வெளியாகி சூப்பர் ஹிட் ஆகி வரும் நிலையில் இன்று சென்னையில் இந்த படத்தின் பிரஸ்மீட் நடந்தது.
இந்த பிரஸ்ட் மீட்டில் இயக்குனர் துரைசெந்தில்குமார் பேசும்போது, 'இந்த படத்தின் முக்கிய கேரக்டரில் நடிக்க விஜய்யின் தந்தை எஸ்.ஏ.சி அவர்களை அணுகியதாகவும், முதலில் அவர் மற்ற இயக்குனர்கள் படத்தில் நடிப்பதில்லை என்று கூறி மறுத்துவிட்டதாகவும் கூறினாராம்.
பின்னர் சிலமணி நேரத்திலேயே அவரிடம் இருந்து போன் வந்ததாகவும், தனது மனைவி ஷோபா உள்பட குடும்பத்தினர் அனைவரும் தனுஷின் ரசிகர்கள் என்றும் அவர் படத்தில் ஏன் நடிக்க மறுத்தீர்கள் என்று தனது மனைவி கூறியதாகவும் எனவே இந்த படத்தில் நடிக்க ஒப்புக்கொள்வதாகவும் கூறியதை இயக்குனர் துரைசெந்தில்குமார் நினைவு கொண்டார்.
தனுஷ், த்ரிஷா, அனுபமா பரமேஸ்வரன், எஸ்.ஏ.சந்திரசேகர் உள்ளிட்ட பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார். 'வெற்றிமாறன் தயாரித்துள்ள இந்த படம் வரும் தீபாவளி தினத்தில் வெளியாகவுள்ளது.