நடிகர் விஜய் தனது ரசிகர்களுடன் எந்த அளவுக்கு நெருக்கமாக இருந்து வருகிறார் என்பது பல சம்பவங்களில் இருந்து தெரிய வந்துள்ளது. ரசிகர்களின் திருமணம் போன்ற சுபகாரியங்களில் கலந்து கொண்டு வாழ்த்து தெரிவிப்பதும், விபத்து, மரணம் போன்ற துக்க காரியங்களில் கலந்து கொண்டு இரங்கல் தெரிவிப்பதிலும் விஜய் தவறுவதே இல்லை

அந்த வகையில் இன்று 'தளபதி 63' படப்பிடிப்பின்போது 100 அடி போக்கஸ் லைட் ஒன்று கிழே விழுந்ததால் ஊழியர் ஒருவர் படுகாயம் அடைந்து சென்னை தனியார் மருத்துவமனையில் அனுமதிக்கபட்டிருந்தார். இந்த நிலையில் அந்த ஊழியர் சிகிச்சை பெற்று வரும் மருத்துவமனைக்கு சற்றுமுன் சென்ற நடிகர் விஜய், அவரிடம் நலம் விசாரித்தார். மேலும் அவருக்கு அளிக்கப்படு வரும் சிகிச்சை குறித்த விபரங்களை மருத்துவர்களிடம் கேட்டு தெரிந்து கொண்டார்.

விஜய்க்கு கோடிக்கணக்கான ரசிகர்கள் இருக்கின்றார்கள் என்றால், அவரது நடிப்பை ரசிப்பதற்காக மட்டுமல்ல, அவரது மனிதநேயம், ரசிகர்கள் மீது அவர் காட்டும் அக்கறையே என்பது இந்த சம்பவத்தின் மூலம் மீண்டும் ஒருமுறை தெரிய வந்துள்ளது