பிரபல நகைச்சுவை நடிகர் கவுண்டமணியின் அம்மாவை தளபதி விஜய் படப்பிடிப்பின்போது நேரில் சந்தித்த புகைப்படம் தற்போது வைரலாகி வருகிறது

தளபதி விஜய் நடிப்பில் இயக்குனர் மோகன் ராஜா இயக்கிய திரைப்படம் ’வேலாயுதம்’ கடந்த 2011ஆம் ஆண்டு வெளியான இந்த திரைப்படத்தின் படப்பிடிப்பு பொள்ளாச்சி அருகே நடைபெற்றுக் கொண்டிருந்த போது படப்பிடிப்பு நடந்த இடத்தில் இருந்து வெகு அருகில் தான் கவுண்டமணியின் சொந்த கிராமம் இருப்பது விஜய்க்கு தெரிய வந்தது.

இதனையடுத்து விஜய்யும் இயக்குனர் மோகன்ராஜாவும் கவுண்டமணியின் சொந்த கிராமத்திற்கு சென்று, கவுண்டமணியின் அம்மாவை நேரில் சந்தித்து நலம் விசாரித்தனர். அப்போது அவர்கள் கவுண்டமணியின் அம்மாவுடன் இணைந்து புகைப்படமும் எடுத்து கொண்டனர்.

10 ஆண்டுகளுக்கு முன் நடந்த இந்த சந்திப்பின் புகைப்படம் தற்போது சமூக வலைத்தளத்தில் வைரலாகி வருகிறது. விஜய் நடித்த ‘ரசிகன்’, கோயமுத்தூர் மாப்ளே’ ஆகிய படங்களில் கவுண்டமணி நடித்துள்ளார் என்பது குறிப்பிடத்தக்கது.