600க்கு 600 மதிப்பெண் எடுத்த மாணவிக்கு விஜய் ரசிகர்கள் நேரில் வாழ்த்து: வைரல் புகைப்படங்கள்..!
- IndiaGlitz, [Tuesday,May 09 2023]
நேற்று வெளியான பிளஸ் டூ தேர்வில் 600க்கு 600 மதிப்பெண் பெற்று திண்டுக்கல் மாணவி நந்தினி என்பவர் சாதனை செய்துள்ள நிலையில் அவருக்கு தமிழக முதல்வர் உட்பட பலர் பாராட்டு தெரிவித்து வந்தனர். இந்த நிலையில் 600க்கு 600 மதிப்பெண் எடுத்த மாணவி நந்தினிக்கு திண்டுக்கல் மாவட்டத்தைச் சேர்ந்த விஜய் மக்கள் இயக்கத்தின் நிர்வாகிகள் நேரில் சென்று வாழ்த்து தெரிவித்தனர்.
பிளஸ் 2 தேர்வில் மாணவி நந்தினி தமிழ், ஆங்கிலம், பொருளியல், வணிகவியல், கணக்குப்பதிவியல் மற்றும் கணக்கு பயன்பாட்டியல் ஆகிய ஆறு பாடங்களில் நூற்றுக்கு நூறு மதிப்பெண் எடுத்துள்ளார். தமிழில் 100க்கு 100 மதிப்பெண்கள் பெற்ற இரண்டு பேர்களில் நந்தினியும் ஒருவர் என்பது குறிப்பிடத்தக்கது.
இந்த நிலையில் மாணவி நந்தினிக்கு தமிழக முழுவதிலும் இருந்து பாராட்டுக்கள் குவிந்து வரும் நிலையில் திண்டுக்கல் மாவட்டத்தைச் சேர்ந்த விஜய் மக்கள் இயக்கத்தை சேர்ந்த நிர்வாகிகள் அவரை நேரில் சந்தித்து தங்களது வாழ்த்துக்களை தெரிவித்தனர். இது குறித்த புகைப்படங்கள் இணையதளங்களில் வைரல் ஆகி வருகிறது.