ஷாருக்கான் கேரக்டரில் நடிக்க விரும்பும் தளபதி விஜய்!
- IndiaGlitz, [Tuesday,April 21 2020]
தளபதி விஜய் தான் நடித்து வரும் பெரும்பாலான படங்களில் நெகட்டிவ் கேரக்டர்களை தவிர்த்துவிடுவார் என்பதும், அவர் மாஸ் ஹீரோ கேரக்டர்களையே விரும்பி நடிப்பார் என்பதும் தெரிந்ததே. அழகியதமிழ் மகன், பிரியமுடன் போன்ற நெகட்டிவ் கேரக்டர்களில் நடித்த படங்கள் எதிர்பார்த்த வெற்றியை பெறாததும் ஒரு காரணமாக இருக்கலாம்.
இந்த நிலையில் இதுகுறித்த அளித்த பேட்டி ஒன்றில், நான் நெகட்டிவ் கேரக்டருக்கு எதிரி கிடையாது. ஆனால் அந்த கேரக்டர்களில் நடிப்பதில் எனக்கு சில அசெளகரியங்கள் உள்ளன. எனது ரசிகர்கள் நான் மாஸ் ஹீரோ கேரக்டரில் நடிப்பதையே விரும்பி பார்க்கின்றனர். எனவே இதில் இருந்து வெளியே வர விரும்பவில்லை.
இருப்பினும் ஷாருக்கான நடித்த Baazigar அல்லது Darr படங்களின் கேரக்டர் போல் ஒரு கதை அமைந்தால் நெகட்டிவ் கேரக்டரில் நடிக்க தயாராக உள்ளேன் என்று விஜய் அந்த பேட்டியில் தெரிவித்துள்ளார். மேலும் தனது படங்களில் வரும் பஞ்ச் டயலாக்குகள் எனக்காக எழுதப்பட்டவை அல்ல என்றும் அது இயற்கையாகவே அமைகின்றது என்றும் கேள்வி ஒன்றுக்கு பதிலளித்துள்ளார்.