நீங்கள் செய்த செயலை அறிந்து நான் மிகவும் மகிழ்ச்சி அடைகிறேன் என விஜய் மக்கள் இயக்கத்தின் நிர்வாகிக்கு விஜய் தனது கைப்பட கடிதம் எழுதியுள்ள தகவல் தற்போது இணையதளங்களில் வைரல் ஆகி வருகிறது.

தளபதி விஜயின் பிறந்தநாள் சமீபத்தில் கொண்டாடப்பட்ட நிலையில் விஜய் மக்கள் இயக்கத்தின் நிர்வாகிகள் தமிழக முழுவதும் பல்வேறு நலத்திட்ட பணிகளை செய்தனர் என்பதை ஏற்கனவே பார்த்தோம்.

இந்த நிலையில் விஜய் பிறந்த நாளின் போது சிறப்பாக நலத்திட்ட உதவி செய்த ஈசிஆர் பகுதியைச் சேர்ந்த சரவணன் என்ற விஜய் மக்கள் இயக்கத்தின் நிர்வாகிக்கு விஜய் தனது கைப்பட கடிதம் எழுதியுள்ளார். அந்த கடிதத்தில் கூறியிருப்பதாவது:

கடந்த ஜூன் 22 ஆம் தேதி அன்று எனது பிறந்தநாளில் நமது மக்கள் இயக்கம் வழியாக நீங்கள் செய்த பல்வேறு நலத்திட்ட உதவிகளை நான் ஊடகங்கள் மற்றும் சமூக வலைதளங்கள் வழியாக அறிந்தேன். உங்களது இந்த சிறப்பான செயல்பாடுகளை நினைத்து நான் மகிழ்ச்சி அடைகிறேன்’ என்று தெரிவித்துள்ளார். இந்த கடிதம் தற்போது இணையத்தில் வைரலாகி வருகிறது.