விஜய்யின் 'பைரவா' திருவிழா பாடல் வெளியாவது எப்போது?
- IndiaGlitz, [Wednesday,October 26 2016]
இளையதளபதி விஜய் நடித்து வரும் 'பைரவா' படத்தின் டீசர் வரும் தீபாவளி தினத்தில் வெளியாக வாய்ப்பு இருப்பதாக கூறப்பட்டு வந்த போதிலும் தீபாவளிக்கு இன்னும் ஒருசில நாட்களே உள்ள நிலையில் இதுகுறித்து அதிகாரபூர்வ அறிவிப்பு எதுவும் இதுவரை வெளியாகவில்லை.
இந்நிலையில் 'பைரவா' படத்தில் இடம்பெற்ற திருவிழா பாடலின் வரிகள் அடங்கிய வீடியோ ஒன்று வரும் தீபாவளி தினத்தில் அதிகாலை 12 மணிக்கு பிரபல தொலைக்காட்சி ஒன்றில் ஒளிபரப்பாக உள்ளதாக தகவல்கள் வந்துள்ளது.
இந்த தகவல் விஜய் ரசிகர்களை உற்சாகப்படுத்தியுள்ளது. இந்த தீபாவளிக்கு விஜய் நடித்த படம் வெளிவராததால் சோர்ந்து கிடந்த விஜய் ரசிகர்களுக்கு இந்த தகவல் ஒரு தீபாவளி விருந்து என்று கூறினால் அது மிகையாகாது.