விஜய்யின் 'பைரவா' படப்பிடிப்பு குறித்த முக்கிய செய்தி
- IndiaGlitz, [Tuesday,November 15 2016]
இளையதளபதி விஜய் நடித்த 'தெறி' என்ற சூப்பர் ஹிட் படத்திற்கு பின் அவர் நடித்து வந்த 'பைரவா' படத்தின் படப்பிடிப்பு கடந்த சில மாதங்களாக விறுவிறுப்பாக நடந்து வந்தது. இந்நிலையில் இந்த படத்தின் படப்பிடிப்பு நவம்பர் இரண்டாவது வாரத்தில் முடிந்துவிடும் என்று ஏற்கனவே நாம் தெரிவித்திருந்தோம்
இந்நிலையில் இந்த படத்தின் படப்பிடிப்பு தற்போது முற்றிலும் முடிந்துவிட்டதாக படக்குழுவினர்களிடம் இருந்து தகவல்கள் வெளிவந்துள்ளது. மேலும் டப்பிங், ரீரிகார்டிங், உள்பட போஸ்ட் புரடொக்ஷன்ஸ் பணிகள் தொடங்கிவிட்டதாகவும், இந்த படத்தை பொங்கல் தினத்திலொ ரிலீஸ் செய்ய அனைவரும் இரவுபகலாக பணிபுரிந்து வருவதாகவும் தகவல்கள் வெளிவந்துள்ளது.
மேலும் இந்த படத்தின் பாடல்கள் வெளியீட்டு தேதி மற்றும் டிரைலர் ரிலீஸ் தேதி விரைவில் அதிகாரபூர்வமாக அறிவிக்கப்படவுள்ளது. பைரவா' படத்தின் படப்பிடிப்பு முடிவடைந்ததை அடுத்து விரைவில் விஜய்யின் 61வது படம் குறித்த தகவல் வெளிவரும் என்று எதிர்பார்க்கப்படுகிறது.