விஜய்தான் மாஸ். இதற்கு ஆப்ஷனே தேவையில்லை. ஜி.வி.பிரகாஷ்
- IndiaGlitz, [Sunday,September 27 2015]
இளையதளபதி விஜய் நடித்து முடித்துள்ள 'புலி' திரைப்படம் இன்னும் மூன்று நாட்களில் உலகம் முழுவதும் ரிலீஸாகவுள்ள நிலையில் விஜய்யின் அடுத்த படமான 'விஜய் 59' படத்திற்கு இசையமைக்கும் ஜி.வி.பிரகாஷ்குமார், நேற்று குஷ்பு நடத்தும் தொலைக்காட்சி நிகழ்ச்சி ஒன்றில் கலந்து கொண்டார்.
இந்த நிகழ்ச்சியில் ஜி.வி.பிரகாஷிடம் குஷ்பு கேட்ட ஒரு கேள்வி, "நீங்க மியூசிக் போட்டா எந்த ஹீரோவுக்கு மாஸ் ஆக இருக்கும்? என்பதுதான். இந்த கேள்விக்கு குஷ்பு ஹீரோக்களின் பெயர் லிஸ்ட்டை ஆப்ஷனாக கூறுவதற்கு முன்பே பதிலளித்த ஜி.வி.பிரகாஷ், 'இந்த கேள்விக்கு பதில் விஜய் சார்தான். இதுக்கு ஆப்ஷனே தேவையில்லை' என்று பதிலளித்து அனைவரையும் ஆச்சரியத்தில் ஆழ்த்தினார்.
ஏற்கனவே விஜய் நடித்த 'தலைவா' படத்திற்கு இசையமைத்துள்ள ஜி.வி.பிரகாஷ், தற்போது இரண்டாவது முறையாக 'விஜய் 59' படத்திற்கு இசையமைத்து வருகிறார். இந்த படத்தில் ஜி.வி.பிரகாஷின் இசையில் விஜய் இரண்டு பாடல்கள் பாடவுள்ளதாகவும் செய்திகள் வெளிவந்துள்ளது. 'புலி' படத்தின் ரிலீஸுக்கு பின்னர் இந்த படத்தின் டைட்டில் அறிவிக்கப்படும் என கூறப்படுகிறது.