'ஜவான்' படத்தில் விஜய் கேமியோ இல்லை.. அதற்கு பதிலாக இந்த பிரபலம் தான்.. மாஸ் தகவல்...!
- IndiaGlitz, [Wednesday,August 30 2023]
ஷாருக்கான், நயன்தாரா, விஜய் சேதுபதி, தீபிகா படுகோன் நடிப்பில் அட்லி இயக்கத்தில், அனிருத் இசையில் உருவாகியுள்ள திரைப்படம் ’ஜவான்’. இந்த படம் வரும் செப்டம்பர் 7ஆம் தேதி திரையரங்குகளில் தமிழ், தெலுங்கு மற்றும் ஹிந்தி ஆகிய மூன்று மொழிகளில் பிரமாண்டமாக வெளியாக உள்ளது.
இந்த படத்திற்கு ஏற்கனவே மிகப்பெரிய எதிர்பார்ப்பு ஏற்பட்டுள்ள நிலையில் ’பதான்’ படம் போலவே இந்த படமும் 1000 கோடி ரூபாய் வசூல் செய்ய அதிக வாய்ப்பு இருப்பதாக கூறப்படுகிறது
இந்த நிலையில் இந்த படத்தில் தளபதி விஜய் சிறப்பு தோற்றத்தில் நடித்திருப்பதாக வதந்திகள் கிளம்பி வரும் நிலையில் தற்போது வந்துள்ள தகவலின்படி விஜய் சிறப்பு தோற்றத்தில் நடிக்க வில்லை என்றும் அதற்கு பதிலாக பிரபல தெலுங்கு நடிகர் அல்லு அர்ஜுன் தான் சிறப்பு தோற்றத்தில் நடித்துள்ளார் என்றும் கூறப்படுகிறது. இது எந்த அளவுக்கு உண்மை என்பது படம் வெளியாகும் போது தான் தெரியவரும்.
ஷாருக்கான், நயன்தாரா, விஜய் சேதுபதி, தீபிகா படுகோன், பிரியாமணி, யோகிபாபு, அம்ரிதா ஐயர் ஆகியோர் நடித்துள்ள இந்த படத்திற்கு ஜிகே விஷ்ணு ஒளிப்பதிவும், ரூபன் படத்தொகுப்பு பணியும் செய்துள்ளனர். ஷாருக்கானின் ரெட் சில்லி எண்டர்டெயின்மெண்ட் நிறுவனம் இந்த படத்தை சுமார் ரூ.300 கோடி பட்ஜெட்டில் பிரம்மாண்டமாக தயாரித்துள்ளது.