இளையதளபதி விஜய் நடிக்கும் 'விஜய் 59' படத்தின் படப்பிடிப்பு விறுவிறுப்பாக சென்னை மற்றும் சென்னையின் சுற்றுப்புறங்களில் நடைபெற்று வருகிறது. இந்நிலையில் 'புலி' படத்தில் ஆச்சரியபட வைக்கும் வகையில் செட்டிங் அமைத்த டி.முத்துராஜ் அவர்களின் பிரமாண்டமான செட்டிங்கில் சமீபத்தில் விஜய்யின் அறிமுகப்பாடலின் படப்பிடிப்பு நடைபெற்றதாகவும், இந்த பாடலின் படப்பிடிப்பில் விஜய், சமந்தா மற்றும் நூற்றுக்கணக்கான துணை நடிகர், நடிகைகளும் கலந்து கொண்டதாகவும் கூறப்படுகிறது.

பொதுவாக விஜய்யின் அறிமுகப்பாடல்கள் அனைத்துமே மாஸ் ஆக அமைந்து வரும் நிலையில் இந்த பாடல் வித்தியாசமாக இருக்கும் என படக்குழுவினர் தெரிவித்துள்ளனர். மேலும் இந்த படம் இசையமைப்பாளர் ஜி.வி.பிரகாஷுக்கு 50வது படம் என்பதால் அவர் கூடுதல் கவனத்துடன் இந்த படத்தின் பாடல்களை கம்போஸ் செய்துள்ளதாகவும் கூறப்படுகிறது.

மேலும் இந்த படத்தின் மற்றொரு கதாநாயகியான எமிஜாக்சன், விரைவில் படப்பிடிப்பில் கலந்து கொள்வார் என செய்திகள் வெளியாகியுள்ளது. விஜய், சமந்தா, எமிஜாக்சன், இயக்குனர் மகேந்திரன், கே.எஸ்.ரவிகுமார், ராதிகா சரத்குமார் மற்றும் பலர் நடித்து வரும் இந்த படத்தை அட்லி இயக்கி வருகிறார்.