பிறந்தநாள் அன்று எங்கு இருப்பார் விஜய்
- IndiaGlitz, [Wednesday,June 15 2016]
இளையதளபதி விஜய்யின் பிறந்தநாளுக்கு இன்னும் ஒரு வாரம் மட்டுமே உள்ளதால் அவருடைய இந்த வருட பிறந்த நாளை மிக பிரமாண்டமாக கொண்டாட விஜய் ரசிகர்கள் சிறப்பான ஏற்பாடுகளை செய்து வருகின்றனர்.
இந்நிலையில் விஜய்யின் சென்னை ரசிகர்கள் அப்செட் ஆகும்படியான ஒரு செய்தி தற்போது வெளிவந்துள்ளது. அதாவது விஜய்யின் பிறந்தநாளான ஜூன் 22ஆம் தேதி விஜய் சென்னையில் இருக்க மாட்டார் என்றும் அன்றைய தினம் அவர் ஐதராபாத்தில் பரதன் இயக்கி வரும் 'விஜய் 60' படத்தின் படப்பிடிப்பில் இருப்பார் என்றும் தகவல்கள் வெளிவந்துள்ளது.
'விஜய் 60' படத்தின் ஐதராபாத் படப்பிடிப்பு ஜூன் 25 வரை என்று ஏற்கனவே திட்டமிட்டுள்ளதால் அதில் எந்த மாற்றமும் செய்யப்படமாட்டாது என்றும் இந்த வருட பிறந்தநாளை விஜய் படக்குழுவினர்களுடன் மட்டுமே கொண்டாடவுள்ளதாகவும் கூறப்படுகிறது. பிறந்த நாள் அன்று விஜய்யை சென்னையில் சந்திக்க நினைத்த ரசிகர்களுக்கு இந்த தகவல் ஏமாற்றத்தை கொடுத்துள்ளது என்பது குறிப்பிடத்தக்கது.