தளபதி விஜய்யின் 'மெர்சல்' இன்று வெளிநாடுகளிலும் நாளை தமிழகம் உள்பட இந்தியாவிலும் பிரமாண்டமாக சுமார் 4000 திரையரங்குகளில் வெளியாகவுள்ளது. தடைகள் பல கடந்து வெளியாகும் இந்த படம் வசூலில் புதிய சாதனை நிகழ்த்த காத்திருப்பதாக கூறப்படுகிறது.

இந்த நிலையில் தளபதி விஜய்யின் சூப்பர் ஹிட் பாடல் ஒன்றை இந்தியில் தயாரிக்கப்படும் படம் ஒன்றுக்கு பயன்படுத்த திட்டமிடப்பட்டுள்ளது. ஆம், சந்தோஷ் நாராயணன் இசையில் 'பைரவா' படத்தில் இடம்பெற்ற 'வர்லாம் வர்லாம் வா' என்ற பாடல் எந்த அளவுக்கு ஹிட் என்பதை சொல்லவே தேவையில்லை. அருண்காமராஜ் பாடிய இந்த பாடல் தற்போது பாலிவுட்டில் தயாராகி வரும் 'கோல்மால் அகெய்ன்' (Golmaal Again) என்ற படத்திற்காக பயன்படுத்த முடிவு செய்யப்பட்டுள்ளது.

இந்த படத்தில் வர்லாம் வர்லாம் வா பாடலை தமிழிலேயே பயன்படுத்தப்படவுள்ளதாக இசையமைப்பாளர் சந்தோஷ் நாராயணன் தனது சமூக வலைத்தளத்தில் தெரிவித்துள்ளார். இந்த படம் தமிழகத்தில் ரிலீஸ் ஆகும்போது இந்த பாடலுக்காகவே விஜய் ரசிகர்கள் இந்த படத்தை வெற்றிப்படமாக்குவார்கள் என்று எதிர்பார்க்கப்படுகிறது.