ரஜினி, கமல், அஜீத், விஜய் போன்ற மாஸ் நடிகர்களின் திரைப்படங்கள் படப்பிடிப்பு நடைபெற்றுக் கொண்டிருக்கும்போதே கிட்டத்தட்ட வியாபாரம் முடிந்து விடும் என்பது தெரிந்ததே. ஆனால் தளபதி விஜய் நடிக்க இருக்கும் ’தளபதி 67’ படத்தின் அதிகாரப்பூர்வ அறிவிப்பு இன்னும் வெளிவராத நிலையிலேயே அந்த படத்தின் வியாபாரம் சுமார் ரூ.240 கோடிக்கு நடந்துவிட்டதாக வெளிவரும் செய்தி பெரும் பரபரப்பை ஏற்படுத்தி உள்ளது.

தளபதி விஜய் நடிப்பில் இயக்குனர் லோகேஷ் கனகராஜ் இயக்கத்தில் உருவாக இருக்கும் ’தளபதி 67’ படத்தின் படப்பிடிப்பு அடுத்த மாதம் தொடங்க உள்ளதாக கூறப்படுகிறது.

இந்த நிலையில் இந்த படத்தின் டிஜிட்டல் உரிமையை நெட்பிளிக்ஸ் நிறுவனம் ரூபாய் 160 கோடிக்கும், அதேபோல் சேட்டிலைட் உரிமையை சன்டிவி ரூ.80 கோடிக்கும் வாங்க பேச்சுவார்த்தை நடத்தி வருவதாக கூறப்படுகிறது.

இன்னும் இந்த படத்தின் அதிகாரப்பூர்வ அறிவிப்பு வெளிவராத நிலையில், பூஜை கூட போடாத நிலையில், படப்பிடிப்பு தொடங்காத நிலையில் 240 கோடி ரூபாய்க்கு வியாபாரம் நடந்திருப்பதாக வெளிவந்த செய்தி கோலிவுட் திரையுலகை பெரும் ஆச்சரியத்தை ஏற்படுத்தி உள்ளது.

விஜய், சஞ்சய்தத், கௌதம்மேனன், நிவின்பாலி, த்ரிஷா, சமந்தா, கீர்த்தி சுரேஷ், மிஷ்கின் உள்பட பல பிரபலங்கள் இந்த படத்தில் நடிக்க இருப்பதாக கூறப்படுவதால் இந்த படத்தின் அறிவிப்புக்கு முன்பே பெரும் எதிர்பார்ப்பை ஏற்படுத்தி உள்ளது என்பது குறிப்பிடத்தக்கது.