தளபதி விஜய் நடித்து வரும் ’தளபதி 66 படத்தின்’ படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் குழுவினர் பர்ஸ்ட் லுக் போஸ்டரை வெளியிடுவதில் ’பீஸ்ட்’ படத்தின் பாணியை ஃபாலோ செய்ய உள்ளதாக தகவல்கள் வெளியாகியுள்ளன.

தளபதி விஜய் நடிப்பில் நெல்சன் இயக்கத்தில் சன் பிக்சர்ஸ் நிறுவனம் தயாரித்த ’பீஸ்ட்’ திரைப்படத்தின் டைட்டிலுடன் கூடிய ஃபர்ஸ்ட்லுக் போஸ்டர் கடந்த ஆண்டு விஜய்யின் பிறந்த நாளை முன்னிட்டு ஜூன் 21ஆம் தேதி வெளியானது. அதன் பிறகு ஜூன் 22ஆம் தேதி அதிகாலை 12 மணிக்கு செகண்ட் லுக் போஸ்டர் வெளியானது என்பதும் இந்த இரண்டு போஸ்டர்களும் மிகப்பெரிய அளவில் வைரலாகி சமூக வலைதளங்களை ஸ்தம்பிக்க வைத்தது என்பதும் தெரிந்ததே.

இந்த நிலையில் ’பீஸ்ட்’ படத்தின் பாணியிலேயே 'தளபதி 66’ படத்தின் டைட்டில் மற்றும் பர்ஸ்ட் லுக் போஸ்டரை ஜூன் 21ஆம் தேதி மாலை 6 மணிக்கும், அதன்பிறகு செகண்ட் லுக் போஸ்டரை ஜூன் 22ஆம் தேதி அதிகாலை 12 மணிக்கும் வெளியிட படக்குழுவினர் முடிவு செய்துள்ளதாக தெரிகிறது. இதுகுறித்து அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.