'சர்கார்' படத்தின் மெயின் வில்லன் குறித்த தகவல்
- IndiaGlitz, [Monday,July 23 2018]
தளபதி விஜய் நடித்து வரும் 'சர்கார்' படத்தின் படப்பிடிப்புகள் இறுதிக்கட்டத்தை நெருங்கிவிட்ட நிலையில் இன்று முதல் விஜய் தனது டப்பிங் பணியை தொடங்கவுள்ளார் என்ற செய்தியை ஏற்கனவே பார்த்தோம். டப்பிங் பணிகள் முடிந்த பின்னர் 'சர்கார்' படக்குழு அடுத்தகட்ட படப்பிடிப்பிற்காக அமெரிக்கா செல்லவுள்ளது.
இந்த நிலையில் 'சர்கார்' படத்தின் வில்லனாகவும், அரசியல்வாதியாகவும் பழ.கருப்பையா மற்றும் ராதாரவி நடித்து வருவது தெரிந்ததே. இருப்பினும் இந்த படத்தின் மெயின் வில்லன் இவர்கள் இருவரும் இல்லை என்றும், இன்னொரு பிரபல நடிகர் தான் இந்த படத்தில் விஜய்க்கு மெயின் வில்லன் என்றும் செய்திகள் வெளிவந்தது. இந்த நிலையில் தற்போது வெளிவந்திருக்கும் செய்தியின்படி இந்த படத்தின் மெயின் வில்லன் வியட்நாம் நடிகரான ஜானி என்று கூறப்படுகிறது இவர் ஏற்கனவே ஏ.ஆர்.முருகதாஸ் இயக்கிய '7ஆம் அறிவு' திரைப்படத்தில் வில்லனாக நடித்தவர் என்பது குறிப்பிடத்தக்கது.
ஒரு வலிமையான வில்லன் ஒரு படத்தில் இருந்தால் மட்டுமே ஹீரோவின் சாகசங்கள் எடுபடும் என்பதற்கேற்ப இந்த தகவல் உறுதி செய்யப்படும் பட்சத்தில் 'சர்கார்' படம் விஜய்க்கு ஒரு சவாலான படமாக இருக்கும் என்று எதிர்பார்க்கலாம்.