தளபதி விஜய் நடிப்பில் கடந்த தீபாவளி அன்று வெளியான 'மெர்சல்' திரைப்படம் தமிழக பாஜக தலைவர்களின் உதவியால் எதிர்பார்த்ததைவிட இருமடங்கு வசூல் செய்து விஜய்யின் வெற்றிப்பட பட்டியலில் இணைந்தது

இந்த படத்தில் விஜய், அட்லியை அடுத்து பரபரப்பாக பேசப்பட்டது கிராபிக்ஸ் காட்சிகள் தான். விஜய்யின் இருவேடங்கள், மேஜிக் காட்சிகள் உள்பட கிராபிக்ஸ் காட்சிகளில் உலகத்தரம் இருந்ததால் இந்த படத்தின் கிராபிக்ஸ் காட்சிகள் பெரும் வரவேற்பை பெற்றன

இந்த நிலையில் இந்த படத்திற்கு கிராபிக்ஸ் பணியை செய்த நிறுவனம் நேற்று யூடியூபில் கிராபிக்ஸ் காட்சிகள் அமைக்கப்பட்ட விதம் குறித்த வீடியோ ஒன்றை வெளியிட்டுள்ளது. சாதாரண காட்சியாகவும், அதற்கு கிராபிக்ஸ் செய்த பின்னர் உள்ள காட்சியாகவும் இந்த வீடியோ இருந்ததால் விஜய் ரசிகர்கள் மட்டுமின்றி அனைத்து தரப்பினர்களும் இந்த வீடியோவுக்கு பெரும் வரவேற்பு கொடுத்து வருகின்றனர். எனவே இந்த வீடியோ தற்போது சமூக வலைத்தளங்களில் வைரலாகியுள்ளது.