அஜித் நடித்து வரும் ‘குட் பேட் அக்லி’ படத்தின் படப்பிடிப்பு விறுவிறுப்பாக நடைபெற்று வரும் நிலையில், இந்த படத்தில் விஜய்யின் மாஸ்டர் படத்தில் நடித்த வில்லன் நடிகர் இணைந்துள்ளதாக கூறப்படுகிறது.

அஜித் நடிப்பில் ஆதிக் ரவிச்சந்திரன் இயக்கத்தில் உருவாகி வரும் ‘குட் பேட் அக்லி’ என்ற படத்தின் படப்பிடிப்பு கடந்த சில மாதங்களுக்கு முன் தொடங்கிய நிலையில், தற்போது இந்த படத்தின் அடுத்த கட்ட படப்பிடிப்பு விரைவில் தொடங்கும் என்று எதிர்பார்க்கப்படுகிறது.

இந்த நிலையில், இந்த படத்தில் நடிக்கும் நட்சத்திரங்கள் குறித்து எந்தவித தகவலும் வெளியாகாத நிலையில், தற்போது விஜய்யின் ’மாஸ்டர்’ உள்பட சில படங்களில் வில்லனாக நடித்த அர்ஜுன் தாஸ், ‘குட் பேட் அக்லி’ படத்தின் முக்கிய வில்லனாக நடிக்க இருப்பதாக கூறப்படுகிறது.

அர்ஜுன் தாஸ், சமீபகாலமாக ஹீரோவாக நடித்து வரும் நிலையில், அஜித் படம் என்பதால் வில்லனாக நடிக்க ஒப்புக் கொண்டதாக கூறப்படுகிறது. மேலும், அவரது வில்லன் கதாபாத்திரம் கதையின் திருப்புமுனையை ஏற்படுத்தும் வலிமையான கதாபாத்திரம் என்றும் கூறப்படுகிறது.

இந்த நிலையில், இந்த படத்தில் நடிக்கும் மற்ற நட்சத்திரங்கள் குறித்து அறிவிப்பை விரைவில் படக்குழு அதிகாரப்பூர்வமாக அறிவிக்க இருப்பதாகவும் செய்திகள் வெளியாகி உள்ளன.