234ஐ 100ஆக மாற்றிய விஜய்.. உறுப்பினர்களை சேர்க்க செயலி.. வேற லெவலில் தவெக..!
- IndiaGlitz, [Thursday,February 22 2024]
தளபதி விஜய், தமிழக வெற்றி கழகம் என்ற அரசியல் கட்சியை தொடங்கிய நிலையில் இந்த கட்சியின் முதல் கூட்டம் பனையூரில் உள்ள அலுவலகத்தில் நடந்ததாகவும் அதில் சில முக்கிய முடிவுகள் எடுக்கப்பட்டதாகவும் கூறப்பட்டது.
இந்த நிலையில் தற்போது வந்துள்ள தகவலின்படி தமிழக வெற்றி கழகத்தில் உறுப்பினர் சேர்க்கைக்கு செயலி ஏற்பாடு செய்யப்பட்டிருப்பதாகவும் அதிக உறுப்பினர்களை சேர்ப்பவர்களுக்கு நிர்வாக பொறுப்பு வழங்க திட்டமிட்டுள்ளதாக கூறப்படுகிறது.
உறுப்பினர்கள் சேர்க்கைக்கு என செயலி மூலம் நிர்வாகிகள் ஒவ்வொருவருக்கும் தனிப்பட்ட எண் வழங்கப்படும் என்றும், அந்த எண் மூலம் உறுப்பினர்களை சேர்க்கலாம் என்றும் உறுப்பினர் சேர்க்கைக்கான செயலி அடுத்த வாரம் அறிமுகம் செய்ய தமிழக வெற்றி கழகம் திட்டமிட்டுள்ளதாகவும் கூறப்படுகிறது.
மேலும் தமிழ்நாட்டில் உள்ள 234 தொகுதிகளை 100 மாவட்டங்களாக பிரித்து பொறுப்புகள் வழங்க தமிழக வெற்றி கழகம் முடிவு செய்துள்ளதாகவும் தகவல் வெளியாகியுள்ளது. புதிய மாவட்ட பொறுப்பாளர்கள் மற்றும் சட்டமன்ற தொகுதி பொறுப்பாளர்கள் குறித்த அறிவிப்பு இன்னும் பத்து நாட்களில் வெளியாகும் என்றும் பொறுப்பாளர் நியமனத்திற்கு பிறகு உறுப்பினர் சேர்க்கைக்கான சிறப்பு செயலி அறிமுகம் செய்யப்படும் என்றும் தமிழக வெற்றி கழகத்தின் நிர்வாகிகள் தெரிவித்துள்ளனர்.
மொத்தத்தில் விஜய் தனது அரசியல் கட்சியை தொழில்நுட்பத்தின் உதவியுடன் வேற லெவலில் மக்களை சென்றடைய திட்டமிட்டு உள்ளது தெரிய வந்துள்ளது.