தளபதி விஜய் நடித்து வரும் ‘லியோ’ திரைப்படத்தின் சிங்கிள் பாடல் ’நா ரெடி’ என்ற பாடல் வரும் ஜூன் 22ஆம் தேதி விஜய்யின் பிறந்த நாளின் போது வெளியாக இருப்பதாக ஏற்கனவே அதிகாரப்பூர்வமாக அறிவிக்கப்பட்டது என்பதை பார்த்தோம்.

இந்த நிலையில் இந்த பாடலின் புரோமோ வீடியோவை படக்குழுவினர்கள் சற்றுமுன் வெளியிட்டுள்ள நிலையில் இந்த வீடியோ வைரல் ஆகி வருகிறது. நாம் எதிர்பார்த்தது போலவே இந்த பாடலை தளபதி விஜய், அனிருத் மற்றும் அசல் கோலார் ஆகிய மூவரும் இணைந்து பாடியுள்ளனர். மேலும் இந்த பாடலை விஷ்ணு என்பவர் எழுதியுள்ளார்.

இந்த பாடலின் புரோமோ வீடியோ அசத்தலாக இருக்கும் நிலையில் முழு பாடல் நிச்சயம் ஆட்டம் போட வைக்கும் நிலையில் இருக்கும் என்று எதிர்பார்க்கப்படுகிறது. ஏற்கனவே இந்த பாடல் 2000 நடன கலைஞர்களுடன் பிரம்மாண்டமாக உருவாக்கப்பட்டது என்று கூறப்பட்டிருப்பதால் இந்த பாடலுக்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.

விஜய் - அனிருத் காம்பினேஷன் என்றாலே அந்த பாடல் சூப்பர் ஹிட் ஆகும் என்ற நிலையில் இந்த பாடலும் நல்ல வரவேற்பை பெறும் என்று எதிர்பார்க்கப்படுகிறது. இந்த பாடலின் முதல் நான்கு வரிகள் இதோ:

நான் ரெடிதான் வரவா
அண்ணன் நான் இறங்கி வரவா
தேள் கொடுக்கு சிங்கத்தை சீண்டாதப்பா
எவனாலும் என் ரூட்டு மாறாதப்பா