தளபதி விஜய் நடிப்பில், இயக்குனர் லோகேஷ் கனகராஜ் இயக்கத்தில் உருவாகி வரும் திரைப்படம் ‘லியோ’. இந்த படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் சமீபத்தில் இந்த படத்தின் படப்பிடிப்பு முடிவடைந்தது என்றும் இதனை அடுத்து தற்போது தொழில்நுட்ப பணிகள் விறுவிறுப்பாக நடைபெற்று வருகிறது என்பதையும் பார்த்து வருகிறோம்.

ஏற்கனவே இந்த படத்தின் படப்பிடிப்பு தொடங்கிய சில நாட்களிலேயே வியாபாரமும் தொடங்கி விட்டதாக செய்திகள் வெளியான நிலையில் தற்போது தமிழக ரிலீஸ் உரிமை தவிர மற்ற அனைத்து வியாபாரமும் முழுமையாக முடிந்து விட்டதாக தகவல் வெளியாகி உள்ளன.

‘லியோ’ படத்தின் டிஜிட்டல் ரிலீஸ் உரிமை, சாட்டிலைட் ரிலீஸ் உரிமை, ஆடியோ மற்றும் ஹிந்தி சாட்டிலைட் ரிலீஸ் உரிமை, ஹிந்தி திரையரங்குகள் உரிமை, கேரளா கர்நாடகா மற்றும் தெலுங்கு மாநிலங்களின் ரிலீஸ் உரிமை மற்றும் வெளிநாட்டு ரிலீஸ் உரிமை, என அனைத்து வியாபாரங்களும் 3 மாதங்களுக்கு முன்பே பக்காவாக முடிந்து விட்டதாக தகவல் வெளியாகி உள்ளன

இன்னும் தமிழக ரிலீஸ் உரிமை மட்டுமே வியாபாரம் செய்ய வேண்டியது உள்ளது என்றும் இதை இதற்காக மிகப்பெரிய நிறுவனம் ஒன்றுடன் தயாரிப்பாளர் லலித் பேச்சுவார்த்தை நடத்தி வருவதாகவும் கூறப்படுகிறது.

அக்டோபர் 19ஆம் ரிலீஸ் ஆகும் ‘லியோ’ படத்தில் விஜய், த்ரிஷா, சஞ்சய்தத், பிரியா ஆனந்த், சாண்டி மாஸ்டர், மிஷ்கின், மன்சூர் அலிகான், மேத்யூ தாமஸ், கௌதம் மேனன் மற்றும் ஆக்சன் கிங் அர்ஜுன் ஆகியோர் உள்பட பலர் நடித்துள்ளனர். பிலோமின் ராஜ் படத்தொகுப்பில், சதீஷ்குமார் கலை இயக்கத்தில், அன்பறிவ் ஸ்டண்ட் இயக்கத்தில், தினேஷ் நடன இயக்கத்தில் இந்த படம் உருவாகி வருகிறது.