'GOAT' பெயரில் இன்னொரு திரைப்படம்.. பொங்கல் போஸ்டர் வெளியானதால் பரபரப்பு..!
- IndiaGlitz, [Monday,January 15 2024]
தளபதி விஜய் நடிப்பில், வெங்கட் பிரபு இயக்கத்தில், ஏஜிஎஸ் நிறுவனத்தின் தயாரிப்பில், யுவன் சங்கர் ராஜா இசையில் உருவாகி வரும் திரைப்படத்திற்கு ’GOAT' என்ற டைட்டில் வைக்கப்பட்டது என்பதும் Greatest of all time என்ற இந்த படத்தின் பர்ஸ்ட் லுக், செகண்ட் லுக் போஸ்டர்கள் வெளியாகி வைரல் ஆகி வருகிறது என்பதும் தெரிந்ததே.
இந்த நிலையில் இதே ’GOAT' பெயரில் ஒரு தெலுங்கு படம் உருவாகி வருவதாக அறிவிக்கப்பட்டுள்ளது. நரேஷ் இயக்கத்தில் உருவாகி ’GOAT' கோட் திரைப்படத்தில் சுதிர் ஆனந்த் மற்றும் திவ்யபாரதி ஆகியோர் நாயகன் நாயகியாக நடித்துள்ளனர். லியோ ஜான் இசையில் உருவாகி வரும் இந்த படத்தின் பொங்கல் வாழ்த்துக்கள் உடன் கூடிய புதிய போஸ்டர் வெளியாகி இணையத்தில் வைரலாகி வருகின்றது.
ஒருவேளை விஜய்யின் ’GOAT' திரைப்படமும், சுதிர் ஆனந்த் ’GOAT' திரைப்படமும் ஒரே நேரத்தில் ரிலீசானால் தெலுங்கு ரசிகர்களுக்கு பெரும் குழப்பத்தை ஏற்படுத்தும் என்று எதிர்பார்க்கப்படுகிறது.
ஏற்கனவே கடந்த ஆண்டு ரஜினியின் ‘ஜெயிலர்’ திரைப்படம் வெளியானபோது கிட்டத்தட்ட அதே நேரத்தில் ‘ஜெயிலர்’ என்ற மலையாள திரைப்படம் வெளியானது என்பது குறிப்பிடத்தக்கது.