தளபதி விஜய் நடித்த 'பிகில்' திரைப்படம் தீபாவளி விருந்தாக அக்டோபர் 25ஆம் தேதி வெளியான நிலையில் இந்த படம் ஊடகங்கள் மற்றும் விமர்சகர்களின் கலவையான விமர்சனத்தை பெற்றாலும் விஜய் ரசிகர்களிடையே மிகப்பெரிய வரவேற்பை பெற்றது.

இந்த படம் வெளியான வெள்ளிக்கிழமை மற்றும் தீபாவளி விடுமுறை நாட்களான சனி, ஞாயிறு, திங்கள் ஆகிய நான்கு நாட்களில் உலகம் முழுவதும் ரூ.130 கோடிக்கும் அதிகமாக வசூல் செய்ததாக விநியோகிஸ்தர்களிடம் இருந்து தகவல்கள் வெளிவந்தது.

பிகில் திரைப்படம் நேற்று வரை அதாவது ஐந்து நாட்களில் உலகம் முழுவதும் ரூ.190 கோடி வசூல் செய்துள்ளதாக தகவல்கள் வெளிவந்துள்ளது. இன்னும் ஓரிரு நாட்களில் ரூ.200 கோடி கிளப்பில் இந்த படம் இணைந்துவிடும் என்பது குறிப்பிடத்தக்கது

ஐந்தே நாட்களில் தமிழகத்தில் மட்டும் ரூ.89 கோடி இந்த படம் வசூல் செய்துள்ளது. அதில் சென்னையில் ரூ.7.82 கோடி வசூல் என்பது குறிப்பிடத்தக்கது. மேலும் ஆந்திராவில் ரூ.14 கோடியும், கேரளாவில் ரூ.13 கோடியும், கர்நாடகாவில் ரூ.12 கோடியும், வட இந்தியாவில் ரூ.3 கோடியும் இந்த படம் வசூல் செய்துள்ளது. மேலும் வெளிநாடுகளில் மட்டும் இந்த படம் 60 கோடிக்கும் மேல் வசூல் செய்துள்ளது. ஐக்கிய அரபு நாடுகளில் ரூ.14 கோடியும், அமெரிக்காவில் ரூ.7 கோடியும், பிரிட்டனில் ரூ.5 கோடியும், சிங்கப்பூரில் ரூ.6 கோடியும், மலேசியாவில் ரூ.8 கோடியும், ஆஸ்திரேலியாவில் ரூ.3 கோடியும் பிகில் வசூல் செய்துள்ளது என்பது குறிப்பிடத்தக்கது. மொத்தத்தில் தளபதி விஜய் பாக்ஸ் ஆபீஸ் கிங் என்பதை பிகில் படத்தின் வசூல் நிரூபித்துள்ளது என்பது குறிப்பிடத்தக்கது