தளபதி விஜய் நடிப்பில் இயக்குனர் நெல்சன் இயக்கத்தில் உருவாகி வரும் ’தளபதி 65’ படத்தின் படப்பிடிப்பு கடந்த சில நாட்களாக ஜார்ஜியா நாட்டில் நடைபெற்று வருகிறது என்பதை ஏற்கனவே பார்த்தோம்

கடந்த 6ஆம் தேதி தமிழகத்தில் சட்டமன்ற தேர்தலில் வாக்களித்து விட்டு விஜய் உள்பட படக்குழுவினர் அனைவரும் அன்று இரவே ஜார்ஜியா சென்றனர் என்றும் அதன் பின்னர் தொடர்ச்சியாக படப்பிடிப்பு நடைபெற்று வருகிறது என்பதும் குறிப்பிடத்தக்கது

இந்த நிலையில் ஜார்ஜியா படப்பிடிப்பு ஒரு சில நாட்களில் முடிந்துவிடும் என்று சமீபத்தில் தகவல் வந்த நிலையில் இன்றுடன் ஜார்ஜியா படப்பிடிப்பு முடிந்து விட்டதாக தெரிகிறது. இதனையடுத்து இன்று படப்பிடிப்பு முடிந்தவுடன் ஜார்ஜியா ரசிகர்களுக்கு விஜய் தனது கைப்பட கையெழுத்திட்டு புகைப்படங்கள் அளித்துள்ளதாக தகவல்கள் வெளிவந்துள்ளன

இந்த புகைப்படங்களை பெற்ற ரசிகர்கள் சமூக வலைத்தளத்தில் பதிவு செய்து வரும் நிலையில் அந்த பதிவுகள் தற்போது வைரல் ஆகி வருகின்றன. ‘பிரியமுடன் விஜய்’ என்ற விஜய்யின் கையெழுத்துடன் கூடிய இந்த புகைப்படங்களை விஜய் ரசிகர்கள் பார்த்து கொண்டாட்டத்தில் உள்ளனர் என்பது குறிப்பிடத்தக்கது.