பைக் ஊர்வலம் சென்று அம்பேத்கர் சிலைக்கு மாலை அணிவித்த விஜய் ரசிகர்கள்: வைரல் வீடியோ..!
- IndiaGlitz, [Friday,April 14 2023]
தளபதி விஜய்யின் ரசிகர்கள் பைக்கில் ஊர்வலமாக சென்று சட்ட மாமேதை அம்பேத்கர் சிலைக்கு மாலை அணிவித்து மரியாதை செய்தனர்.
இன்று அம்பேத்கர் அவர்களின் பிறந்தநாளை முன்னிட்டு தமிழகத்தில் உள்ள விஜய் மக்கள் இயக்கத்தை சேர்ந்த நிர்வாகிகள் அந்தந்த பகுதியில் உள்ள அம்பேத்கர் சிலைக்கு மாலை அணிவித்து மரியாதை செலுத்த வேண்டும் என்று விஜய் மக்கள் இயக்கத்தின் தலைமையிடம் இருந்து உத்தரவு வந்ததாக கூறப்பட்டது.
அந்த வகையில் இன்று தமிழகத்தில் உள்ள பெரும்பாலான பகுதிகளில் விஜய் மக்கள் இயக்கத்தை சேர்ந்த நிர்வாகிகள் அம்பேத்கர் சிலைக்கு மாலை அணிவித்து மரியாதை செய்தனர். விஜய் மக்கள் இயக்கத்தின் தலைவர் புஸ்ஸி ஆனந்த் இன்று ரசிகர்கள் மத்தியில் ஊர்வலமாக சென்று அம்பேத்கர் சிலைக்கு மாலை அணிவித்து மரியாதை செய்தார். மேலும் சட்ட மாமேதை அம்பேத்கர் வாழ்க என்ற கரகோஷமும் விஜய் ரசிகர்களால் எழுப்பப்பட்டது என்பது குறிப்பிடத்தக்கது.
விஜய் மக்கள் இயக்கம் எதிர்காலத்தில் அரசியல் கட்சியாக உருவாகும் என்று எதிர்பார்க்கப்படும் நிலையில் அம்பேத்கர் பிறந்த நாளிலிருந்து தனது அரசியல் காயை விஜய் நகர்த்தி உள்ளதாக கூறப்படுகிறது.
தளபதி @actorvijay அவர்களின் உத்தரவின்படி,
— Bussy Anand (@BussyAnand) April 14, 2023
சட்டமேதை அண்ணல் டாக்டர். பி.ஆர்.அம்பேத்கர் அவர்களின் 132-வது பிறந்த நாளை முன்னிட்டு.!
• விழுப்புரம் மாவட்ட தலைமை தளபதி விஜய் மக்கள் இயக்கம் சார்பாக விக்கிரவாண்டி நகரத்தில் உள்ள #அண்ணல்அம்பேத்கர் அவரது திருவுருவச் சிலைக்கு மாலை… pic.twitter.com/e5GR3qDXzf