'பிகில்' ஆடியோ விழாவிற்கு பின் விஜய் ரசிகர்களிடம் ஏற்பட்ட மிகப்பெரிய மாற்றம்
- IndiaGlitz, [Thursday,September 26 2019]
சமீபத்தில் நடைபெற்ற ’பிகில்’ திரைப்படத்தின் ஆடியோ விழாவில் விஜய் பேசிய ஒரு சில கருத்துக்கள் பெரும் சர்ச்சையை ஏற்படுத்தி இருந்தாலும் அவர் பேசிய ஒரு விஷயம் விஜய் ரசிகர்களிடையே மிகப்பெரிய மாற்றத்தை ஏற்படுத்தியுள்ளது. சமூக வலைதளங்களில் தேவையில்லாமல் வாக்குவாதம் செய்வதை தவிர்த்து சமூகத்திற்கு தேவையான முக்கிய விஷயங்களை டிரெண்ட் செய்ய வேண்டும் என்று தனது ரசிகர்களிடம் அந்த விழாவில் பேசும்போது விஜய் கேட்டுக் கொண்டார்.
இதனை அடுத்து அஜித் ரசிகர்களிடம் அவ்வப்போது சமூக வலைதளங்களில் மோதி வந்த விஜய் ரசிகர்கள் விஜய்யின் இந்தப் பேச்சுக்குப் பின்னர் சமூகப் பிரச்சினைகளை குறிப்பிட்டு அதனை டிரெண்ட் செய்து வருகின்றனர். ஏற்கனவே சுபஸ்ரீ மரணம் குறித்து தவறு செய்தவர்களை கைது செய்ய வேண்டும் என்ற ஒரு டிரெண்டை ஏற்படுத்தி விஜய் ரசிகர்கள், கீழடி தமிழ் குறித்தும் ஒரு ஹேஷ்டேக்கை பதிவு செய்து அதனை உலக அளவில் டிரெண்ட் செய்தனர்.
இந்த நிலையில் விஜய் ரசிகர்கள் தற்போது நியூட்ரினோ திட்டத்திற்கு எதிராக ஒரு கருத்தை பதிவு செய்து அதையும் இந்திய அளவில் ஏற்படுத்தி வருகின்றனர். நியூட்ரினோ திட்டத்திலிருந்து தேனி மற்றும் அதன் சுற்றுப்புறத்தில் உள்ள பகுதியையும் காப்பாற்றுங்கள் என விஜய் ரசிகர்கள் பதிவு செய்து வருவது பெரும் பரபரப்பை ஏற்படுத்தி உள்ளது. இதேபோன்று விஜய் ரசிகர்களும் மற்ற நடிகர்களும் ரசிகர்களும் சமூக வலைதளத்தை ஆக்கபூர்வமான விஷயங்களுக்கு பயன்படுத்த வேண்டும் என்பதே அனைவரின் கோரிக்கையாக உள்ளது.