ஏ.ஆர்.முருகதாஸ் இயக்கத்தில் விஜய், கீர்த்திசுரேஷ் நடிப்பில் மிக வேகமாக வளர்ந்து வரும் திரைப்படம் 'தளபதி 62'. இந்த படத்தின் படப்பிடிப்பு விறுவிறுப்புடன் நடந்து கொண்டிருக்கும் நிலையில் சமீபத்தில் விஜய், கீர்த்திசுரேஷ் புகைப்படம் ஒன்று இணையத்தில் வெளிவந்தது. இந்த புகைப்படத்தில் விஜய் தரையில் உட்கார்ந்திருக்க, சோபாவில் உட்கார்ந்திருக்கு கீர்த்திசுரேஷ், விஜய் கால் மேல் தன் காலை வைத்துள்ளது போன்று உள்ளது.

இந்த புகைப்படம் இந்த படத்தின் காட்சிக்காகவா? அல்லது ஜாலிக்காக எடுக்கப்பட்டதா? என்று தெரியவில்லை. ஆனால் இந்த புகைப்படத்தால் விஜய் ரசிகர்கள் ஆத்திரமடைந்து கீர்த்திசுரேஷை கடுமையாக விமர்சனம் செய்து வருகின்றனர். அதே நேரத்தில் கீர்த்தி ரசிகர்கள் இந்த புகைப்படத்தை பெருமையுடன் ஷேர் செய்து வருகின்றனர்.

'தளபதி 62' தவிர கீர்த்தி சுரேஷ் தற்போது விக்ரமுடன் 'சாமி 2' மற்றும் விஷாலுடன் 'சண்டைக்கோழி 2' ஆகிய படங்களிலும் நடித்து வருகிறார் என்பது குறிப்பிடத்தக்கது.