குட்டித்தளபதியை விரைவில் எதிர்பார்க்கலாம்: விஜய் பெற்றோரை சந்தித்த ரசிகர் பேட்டி
- IndiaGlitz, [Friday,January 24 2020]
குட்டி தளபதி என்று அழைக்கப்படும் தளபதி விஜய்யின் மகன் சஞ்சயை விரைவில் திரையுலகில் எதிர்பார்க்கலாம் என சமீபத்தில் விஜய்யின் பெற்றோரை சந்தித்த விஜய் ரசிகர் மன்ற நிர்வாகி மகேஷ் நமக்கு அளித்த பிரத்யேக பேட்டியில் தெரிவித்துள்ளார்.
தளபதி விஜய்யின் பெற்றோர் தங்களுடைய வீட்டிற்கு வந்து சாப்பிட்டது தங்களுக்கு மிகுந்த மகிழ்ச்சி என்றும் ஏற்கனவே இரண்டு முறை அவர்கள் வந்திருந்தாலும் இந்த முறை தான் அவர்கள் கையால் சுட்ட தோசையை நாங்கள் சாப்பிட்டதாகவும் கூறினார்.
மேலும் தளபதி விஜய்யை அடிக்கடி தான் சந்தித்து இருப்பதாகவும் தன்னுடைய பிறந்த நாளின் போதும் விஜய்யின் பிறந்த நாளின் போதும் அவர் போனில் வாழ்த்து கூறுவார் என்றும் பிறந்தநாள் அன்று செய்த நற்பணிகள் குறித்து அவர் விவரமாகக் கேட்டு சந்தோஷம் கொள்வார் என்றும் பேட்டியில் கூறியுள்ளார்.
மேலும் தளபதி விஜய்யின் மகன் சஞ்சய் தம்பியை தான் ஐந்தாறு முறை சந்தித்து உள்ளதாகவும் கனடாவில் படித்துக் கொண்டிருக்கும் அவரை விரைவில் திரையுலகில் எதிர்பார்க்கலாம் என்றும் தளபதி விஜய்யை விட பல மடங்கு அவர் பெரிய ஆளாக வருவார் என்றும் விஜய் ரசிகர் மன்ற நிர்வாகி மகிழ்ச்சியுடன் தெரிவித்துள்ளார்.