'மாஸ்டர்' படம் பார்க்க விஜய்யின் வெறித்தனமான ரசிகை செய்த வேலையை பாருங்க!
- IndiaGlitz, [Wednesday,February 03 2021]
தளபதி விஜய் நடித்த ‘மாஸ்டர்’ திரைப்படம் கடந்த பொங்கல் தினத்தில் திரையரங்குகளில் வெளியானது என்றும் சமீபத்தில் ஓடிடியில் வெளியானது என்பதும் இந்தப் படம் ரசிகர்கள் மற்றும் பொதுமக்கள் மத்தியில் மிகப்பெரிய வரவேற்பை பெற்றது என்பதும் தெரிந்ததே
இந்த நிலையில் ‘மாஸ்டர்’ படத்தை பார்ப்பதற்காக விஜய்யின் வெறித்தனமான ரசிகை ஒருவர் மலேசியாவிலிருந்து சென்னை வந்துள்ளார். ஆஷ்லினா என்ற அந்த ரசிகை சென்னை அண்ணா சாலையில் உள்ள தியேட்டரில் உள்ள ஒட்டுமொத்த இருக்கைகளையும் புக் செய்து தனது குடும்பத்தினர் மற்றும் நண்பர்களுடன் இந்த படத்தை பார்த்து மகிழ்ந்தார்
மேலும் திரையரங்கில் விஜய்யின் மாஸ் காட்சிகள் வரும்போது அவரும் எழுந்து நின்று கொண்டாடியது குறித்த புகைப்படங்களையும் அவர் தனது சமூக வலைத்தளத்தில் பதிவு செய்துள்ளார். இந்த புகைப்படங்கள் தற்போது வைரலாகி வருகிறது. ‘மாஸ்டர்’ படத்தை பார்ப்பதற்காக மலேசியாவில் இருந்து சென்னை வந்ததோடு ஒட்டுமொத்த தியேட்டரில் உள்ள இருக்கைகளை புக் செய்து படம் பார்க்க ரசிகையை விஜய் ரசிகர்கள் பாராட்டி வருகின்றனர்