சர்கார் விவகாரம்: அமைச்சருக்கு மிரட்டல் விடுத்த விஜய் ரசிகருக்கு முன்ஜாமீன்
- IndiaGlitz, [Saturday,December 22 2018]
தளபதி விஜய் நடிப்பில் இயக்குனர் ஏ.ஆர்.முருகதாஸ் இயக்கிய சர்கார் திரைப்படம் ரிலீசுக்கு முன்னரும் ரிலீசுக்கு பின்னரும் பல்வேறு பிரச்சனைகளை சந்தித்தது.
இந்த படத்தில் அரசு வழங்கும் இலவசங்கள் குறித்து சர்ச்சைக்குரிய கருத்து கூறப்பட்டிருந்ததாக அதிமுகவினர் 'சர்கார்' படத்தின் போஸ்டர்கள், பேனர்களை சேதப்படுத்தினர். இதற்கு பதிலடி தரும் வகையில் விஜய் ரசிகர்களும் அரசுக்கும், அமைச்சர்களுக்கும், அதிமுகவினர்களுக்கும் மிரட்டல் விடுத்தனர்.
இந்த நிலையில் சர்கார் படவிவகாரத்தில் அமைச்சர் சி.வி.சண்முகத்திற்கு வாட்ஸப் மூலம் மிரட்டல் விடுத்த விஜய் ரசிகர் லிங்கதுரை என்பவருக்கு முன்ஜாமீன் வழங்கி சென்னை உயர்நீதிமன்றம் உத்தரவு பிறப்பித்துள்ளது.
ஏற்கனவே சமூக வலைத்தளங்களில் ஆயுதங்களுடன் மிரட்டல் வீடியோ வெளியிட்ட இரண்டு விஜய் ரசிகர்கள் கைது செய்யப்பட்டுள்ளனர் என்பது குறிப்பிடத்தக்கது.