விஜய் விழியகம் அமைப்பின் முதல் கண் தானம்.. விபத்தில் உயிரிழந்த ரசிகரின் கண்கள் தானம்..!
- IndiaGlitz, [Tuesday,August 15 2023]
கடந்த ஆண்டு டிசம்பர் மாதம் விஜய் மக்கள் இயக்கத்தின் விஜய் விழியகம் என்ற அமைப்பு தொடங்கப்பட்ட நிலையில் இந்த அமைப்பின் முதல் கண்தானம் தற்போது அளிக்கப்பட்டுள்ளதாக தகவல்கள் வெளியாகி உள்ளது
செங்கல்பட்டு மாவட்டத்தைச் சேர்ந்த கரண் என்ற விஜய் ரசிகர், விஜய் விழியகத்தில் தனது கண்களை தானம் செய்ய பதிவு செய்திருந்தார். இந்த நிலையில் கடந்த இரண்டு நாட்களுக்கு முன்னர் அவர் சாலை விபத்தில் மரணமடைந்த நிலையில் அவருடைய சகோதரர் மற்றும் குடும்பத்தினர் செங்கல்பட்டு அரசு மருத்துவமனையில் கரணின் கண்களை தானமாக வழங்கியுள்ளனர். அதற்கான சான்றிதழும் கரணின் குடும்பத்தினரிடம் வழங்கப்பட்டது
விஜய் விழியகம் தொடங்கப்பட்டதிலிருந்து வழங்கப்பட்ட முதல் கண் தானம் இது என்பது குறிப்பிடத்தக்கது. கரண் விபத்தில் இறந்தாலும் அவரது விழிகள் இன்னொருவர் மூலம் வாழ்ந்து கொண்டிருக்கும் என்று விஜய் ரசிகர்கள் நெகிழ்ச்சியுடன் கூறியுள்ளனர்.