விஜய் தேவரகொண்டாவுடன் நெருக்கமாக உள்ள வெளிநாட்டு இளம்பெண் யார்? பரபரப்பு தகவல்
- IndiaGlitz, [Tuesday,September 18 2018]
அர்ஜூன் ரெட்டி' என்ற ஒரே படத்தின் மூலம் தென்னிந்தியா முழுவதும் புகழ் பெற்று அதற்கு அடுத்த படமான 'கீதா கோவிந்தம்' படத்தின் மூலம் ரூ.100 கிளப்பில் இணைந்த நடிகர் விஜய் தேவரகொண்டா. தற்போது தமிழில் 'நோட்டா' என்ற படத்தில் நடித்து வருகிறார். இந்த படம் விரைவில் வெளியாகவுள்ளது.
இந்த நிலையில் விஜய்யுடன் வெளிநாட்டு இளம்பெண் ஒருவர் நெருக்கமாக இருப்பது போன்ற ஒரு புகைப்படம் வைரலாகி வருகிறது. விஜய் ஒரு வெளிநாட்டு பெண்ணை காதலிப்பதாகவும் இருவருக்கும் நிச்சயதார்த்தமும் முடிந்துவிட்டதாகவும் விரைவில் இருவருக்கும் திருமணம் என்றும் வதந்திகள் கட்டவிழ்த்துவிடப்படுகிறது.
இந்த நிலையில் இந்த புகைப்படங்கள் 'கீதா கோவிந்தம்' படத்திற்காக எடுத்த புகைப்படங்களில் இருந்து மார்பிங் செய்யப்பட்டதாகவும், இந்த புகைப்படத்தில் இருக்கும் பெண்ணுக்கும் விஜய்க்கும் எந்தவித சம்பந்தமும் இல்லை என்றும் விஜய் தரப்பில் இருந்து தெரிவிக்கப்பட்டுளது. குறுகிய காலத்தில் புகழின் உச்சத்தை தொட்ட விஜய்யின் இமேஜை கெடுக்க யாரோ செய்த வேலைதான் இது என்றும் கூறப்படுகிறது.