తెలుగు రియాలిటీ షో బిగ్‌బాస్ 4 ర‌స‌వ‌త్త‌రంగా మారింది. ఆదివారం మోనాల్ బిగ్‌బాస్ ఇంటి నుండి బ‌య‌ట‌కు వ‌చ్చేసింది. అభిజీత్‌, అఖిల్‌, హారిక‌, అరియానా, సోహైల్ ఫైన‌ల్‌కు చేరుకున్నారు. ఇప్ప‌టికే బ‌య‌ట ఉన్న అభిమానులు త‌మ ఫేవ‌రేట్స్‌ను బిగ్‌బాస్ విన్న‌ర్‌గా నిలుపుకోడానికి త‌మ వంతు ప్ర‌య‌త్నాలు చేస్తున్నారు. ఇప్పుడున్న కంటెస్టెంట్స్‌లో అభిజీత్‌కే బిగ్‌బాస్ టైటిల్ గెలిచే అవ‌కాశాలు ఎక్కువ‌గా ఉన్నాయ‌ని అంటున్నారు.

అభిజీత్ బిగ్‌బాస్ టైటిల్ గెల‌వాల‌ని కోరుకుంటున్న వారిలో సినీ సెల‌బ్రిటీలు కూడా చేరారు. రీసెంట్‌గా అభిజీత్‌కి నాగ‌బాబు త‌న మ‌ద్ద‌తుని తెలియ‌జేశారు. ఇప్పుడు ఈ లిస్టులో మ‌రో హీరో కూడా చేరాడు. ఆ హీరో ఎవ‌రో కాదు.. క్రేజీ స్టార్ విజ‌య్ దేవ‌ర‌కొండ‌.

అభిజీత్‌కు ఆల్ ది బెస్ట్ చెబుతూ విజ‌య్ దేవ‌ర‌కొండ త‌న సోష‌ల్ మీడియాలో ఓ ఫొటోను షేర్ చేశారు. ``మై బాయ్స్‌.. ఎల్ల‌ప్పుడూ వారికి నా శుభాకాంక్ష‌లు, ఎక్క‌డైనా, ఏదైనా`` అంటూ విజ‌య్ దేవ‌ర‌కొండ మ‌ద్ద‌తు తెలప‌డంతో అభిజీత్‌కి మ‌రింత బ‌లం పెరిగింది.

అభిజీత్ వ‌న్ ఆఫ్ ది హీరోగా చేసిన `లైఫ్ ఈజ్ బ్యూటీఫుల్` చిత్రంలో విజ‌య్ దేవ‌ర‌కొండ ఓ చిన్న పాత్ర‌లో మెరిసిన సంగ‌తి తెలిసిందే. అప్పటి నుండి వీరి స్నేహం కొన‌సాగుతూనే ఉంది.