యూత్‌లో మంచి క్రేజ్ ఉన్న యువ క‌థానాయ‌కుడు విజ‌య్ దేవ‌ర‌కొండ‌. ఈయ‌న హీరోగా డాషింగ్ డైరెక్ట‌ర్ పూరి జ‌గ‌న్నాథ్ ద‌ర్శ‌క‌త్వంలో ఇటీవ‌ల సినిమా ప్రారంభ‌మైన సంగ‌తి తెలిసిందే. ఈ సినిమాకు ఫైట‌ర్ అనే టైటిల్ పెట్ట‌బోతున్న‌ట్లు వార్త‌లు బాగా విన‌ప‌డ్డాయి. అయితే లేటెస్ట్ స‌మాచారం మేర‌కు టైటిల్ ఫైట‌ర్ కాద‌ట‌.. లైగ‌ర్ అనే టైటిల్ ప‌రిశీల‌న‌లో ఉంద‌ని సమాచారం. మ‌గ సింహం, ఆడ పులికి పుట్టిన బిడ్డ‌నే లైగ‌ర్ అని పిలుస్తాం. ఈ పేరునే పూరి త‌న సినిమాకు పెట్టాల‌ని అనుకుంటున్నాడ‌ట‌. రీసెంట్‌గా ఈ సినిమా రెగ్యుల‌ర్ షూటింగ్ ముంబైలో స్టార్ట్ అయ్యింది. పూరి ద‌ర్శ‌క‌త్వంతో ఛార్మితో కలిసి ఈ చిత్రాన్ని నిర్మిస్తున్నారు. అలాగే బాలీవుడ్ మూవీ మేక‌ర్ క‌ర‌ణ్‌జోహార్ కూడా ఈ సినిమా నిర్మాణంలో భాగ‌స్వామిగా వ్య‌వ‌హ‌రిస్తున్నారు.

ముందుగా ఈ సినిమాలో బాలీవుడ్ హీరోయిన్ జాన్వీక‌పూర్ న‌టిస్తుంద‌ని వార్త‌లు విన‌ప‌డ్డాయి. కానీ ఆమె డేట్స్ కుద‌ర‌క‌పోవ‌డంతో ఆమె న‌టించ‌డం లేద‌ట‌. ఇప్పుడు ఆమె స్థానంలో మ‌రో బాలీవుడ్ హీరోయిన్ అన‌న్య‌పాండే న‌టిస్తుంద‌ని వార్త‌లు విన‌ప‌డుతున్నాయి. అంతా అనుకున్న‌ట్లే జ‌రిగితే అనన్య టాలీవుడ్ డెబ్యూ ఇదే అవుతుంది. ఈ సినిమా కోసం విజ‌య్ దేవ‌ర‌కొండ సిక్స్ ప్యాక్ పెంచుతున్నాడు.