‘లైగర్’ రిలీజ్ డేట్ ఫిక్స్‌.. షూటింగ్ రీస్టార్ట్
- IndiaGlitz, [Thursday,February 11 2021]
క్రేజీ స్టార్ విజయ్ దేవరకొండ, డాషింగ్ డైరెక్టర్ పూరీ జగన్నాథ్ కాంబినేషన్‌లో రూపొందుతోన్న ప్యాన్ ఇండియా మూవీ ‘లైగర్’. పూరీ క‌నెక్ట్స్‌, ధర్మ ప్రొడక్ష‌న్స్ ప‌తాకాల‌పై సినిమాను పూరీ జగన్నాథ్, ఛార్మి, క‌ర‌ణ్ జోహార్ నిర్మిస్తున్నారు. కొంత మేర‌కు ముంబైలో షూటింగ్ జ‌రుపుకున్న ఈ సినిమా యూనిట్ కోవిడ్ కార‌ణంగా షూటింగ్‌ను ఆపేసింది. ఎట్ట‌కేల‌కు ముంబైలో ‘లైగర్’ సినిమా షూటింగ్‌ను గురువారం నుంచి రీస్టార్ట్ చేశారు. ప్యాన్ ఇండియ మూవీగా తెలుగు, హిందీ, త‌మిళ, క‌న్న‌డ, మ‌ల‌యాళ భాష‌ల్లో సినిమాను సెప్టెంబ‌ర్ 9న విడుద‌ల చేస్తున్న‌ట్లు చిత్ర యూనిట్ ప్ర‌క‌టించారు. విజయ్ దేవరకొండ, ఛార్మి, క‌ర‌ణ్ జోహార్ ఈ సినిమా విడుద‌ల‌పై అధికారికంగా ట్వీట్స్ చేశారు.
బాలీవుడ్ బ్యూటీ అన‌న్య పాండే హీరోయిన్‌గా న‌టిస్తోంది. సినిమాలో విజయ్ దేవరకొండ బాక్స‌ర్‌గా న‌టిస్తున్నాడు. పాత్ర కోసం విజయ్ దేవరకొండ మార్ష‌ల్ ఆర్ట్స్‌లో ప్ర‌త్యేకంగా శిక్ష‌ణ తీసుకున్నాడు. ర‌మ్య‌కృష్ణ, రోనిత్ రాయ్‌, మ‌క‌రంద్ దేశ్‌పాండే త‌దిత‌రులు కీల‌క పాత్ర‌ల్లో న‌టిస్తున్నారు. ఇప్ప‌టి వ‌రకు న‌ల‌బై శాతం చిత్రీక‌ర‌ణ పూర్త‌య్యింది.