పెళ్ళిచూపులు, అర్జున్‌ రెడ్డి చిత్రాలతో యూత్‌లో మంచి క్రేజ్‌ సంపాదించుకున్న హీరో విజయ్‌ దేవరకొండ. ఈ యువ కథానాయకుడు ఇప్పుడు చేతి నిండా సినిమాలతో ఫుల్‌ బిజీ బిజీగా ఉన్నాడు. అందులో ఆగస్ట్‌ 15న 'గీత గోవిందం' సినిమా విడుదల కానుంది. బన్ని వాసు నిర్మాతగా.. జి.ఎ 2 పిక్చర్స్‌ బ్యానర్‌పై పరుశురాం దర్శకత్వంలో సినిమా రూపొందింది. ఈ సినిమాలో విజయ్‌ దేవర కొండ ఓ ఆటను పాడిన సంగతి తెలిసిందే.

అందులో సాహిత్యం బాగా లేదని... హిందూ పురాణాలను కించ పరిచేలా ఉన్నాయని పెద్ద దుమారం చేలరేగాయి. సోషల్‌ మీడియాలో విజయ్‌ దేవరకొండపై ట్రోలింగ్‌ భారీ స్థాయిలో జరిగింది. దీని గురించి ఆడియో వేడుకలో విజయ్‌ దేవరకొండ ప్రస్తావిస్తూ.. కొన్ని ట్రోలింగ్‌ వీడియోలను కూడా ప్రదర్శించి చూసుకున్నాడు. ఎక్కడా..ఎవరిపై కోపాన్ని ప్రదర్శించకుండా స్పోర్టివ్‌గా వ్యవహరించడం గమనార్హం.