'அர்ஜூன் ரெட்டி' என்ற ஒரே படத்தின் மூலம் தமிழகம் உள்பட தென்னிந்தியா முழுவதும் பிரபலமான நடிகர் விஜய் தேவரகொண்டா. இவர் நடித்த 'நோட்டா' திரைப்படம் வரும் 5ஆம் தேதி வெளியாகின்றது.

இந்த படம் அரசியல் படம் என்ற நிலையில் தமிழக அரசியல்வாதிகளை பேட்டி ஒன்றில் விஜய்தேவரகொண்டா கலாய்த்துள்ளார். ஒரு கட்சியின் தலைவர் ஹெலிகாப்டரில் செல்லும்போது அந்த கட்சியை சேர்ந்தவர்கள் ஹெலிகோப்டேரை நோக்கி கும்பிடுவதும் தரையில் விழுந்து வணங்குவதும் வேடிக்கையாக இருப்பதாக கூறினார். ஹெலிகாப்டரில் செல்பவருக்கு அது எப்படியும் தெரியபோவதில்லை என்று தெரிந்தும் அவர்கள் இவ்வாறு ஏன் செய்கிறார்கள் என்று தனக்கு புரியவில்லை என்று கூறினார்.

அதேபோல் தங்கள் அபிமான தலைவரின் புகைப்படத்தை சட்டைப்பையில் வைத்திருப்பதும் அந்த புகைப்படம் மற்றவர்களுக்கு தெரியும் வகையில் இருப்பதையும் நான கவனித்துள்ளேன். இந்த படத்த்ல் நாசர் ஒரு அரசியல்வாதியாக நடித்திருப்பார். அவருடைய அபிமானிகள் அவருடைய புகைப்படத்தை சட்டைப்பையில் வைத்திருப்பது போன்று ஒரு காட்சி உள்ளது என்றும் விஜய்தேவரகொண்டா கூறியுள்ளார்.