அர்ஜூன் ரெட்டி' நாயகனுடன் ஜோடி போடும் சுசீந்திரன் பட நாயகி
- IndiaGlitz, [Monday,March 05 2018]
கடந்த ஆண்டு தெலுங்கில் வெளியான சூப்பர் ஹிட் திரைப்படம் 'அர்ஜூன் ரெட்டி'. இந்த படத்தின் தமிழ் ரீமேக்கில் தான் சீயான் விக்ரமின் மகன் துருவ் அறிமுகமாகிறார் என்பதும் இந்த படத்தை தேசிய விருது பெற்ற பாலா இயக்குகிறார் என்பதும் குறிப்பிடத்தக்கது
இந்த நிலையில் அர்ஜூன் ரெட்டி படம் மூலம் இளைஞர்களை கவர்ந்த நாயகன் விஜய் தேவரகொண்டாவின் அடுத்த படம் தமிழ், மற்றும் தெலுங்கு ஆகிய இரு மொழிகளிலும் தயாராகவுள்ளது என்பதையும், இந்த படத்தை ஸ்டுடியோக்ரீன் ஞானவேல்ராஜா தயாரிக்கவுள்ளார் என்பதையும் ஏற்கனவே பார்த்தோம்
இந்த நிலையில் இந்த படத்தின் நாயகி குறித்த தகவல் தற்போது வெளிவந்துள்ளது. சுசீந்திரன் இயக்கிய 'நெஞ்சில் துணிவிருந்தால்' பட நாயகி மெஹ்ரீன் பிர்ஜிதா தான் இந்த படத்தின் நாயகி. 'அரிமா நம்பி', இருமுகன் ஆகிய படங்களை இயக்கிய ஆனந்த் ஷங்கர் இந்த படத்தை இயக்கவுள்ளார்
இந்த படத்தின் பூஜை சற்றுமுன்னர் ஐதராபாத்தில் நடந்தது. இந்த விழாவில் விஜய்தேவரகொண்டா, மெஹ்ரீன், ஞானவேல்ராஜா உள்பட பலர் கலந்து கொண்டனர்.