విజయ్ దేవర కొండ కొత్త సినిమా...
- IndiaGlitz, [Wednesday,December 28 2016]
పెళ్ళిచూపులు చిత్రం సాధించిన స‌క్సెస్‌తో హీరోగా మంచి పేరు సంపాదించుకున్న విజయ్ దేవర కొండ వ‌రుస సినిమాలో బిజీగా ఉన్నాడు. విజయ్ దేవర కొండ న‌టించిన ద్వార‌క సినిమా విడుద‌ల‌కు సిద్ధంగా ఉంది. అర్జున్‌రెడ్డి అనే టైటిల్‌తో రూపొందిన మ‌రో సినిమా కూడా చిత్రీక‌ర‌ణ ద‌శ‌లో ఉంది. ఇప్పుడు మ‌రో కొత్త సినిమాకు చేయ‌డానికి ఆస‌క్తిని చూపిస్తున్నాడ‌ట. ఓన‌మాలు, మ‌ళ్ళీ మ‌ళ్ళీ ఇది రానిరోజు వంటి పొయెటిక్ సినిమాల‌ను తెర‌కెక్కించిన క్రాంతి మాధ‌వ్ ద‌ర్శ‌క‌త్వంలో ఈ సినిమాను కె.య‌స్‌.రామారావు నిర్మించే అవకాశాలున్నాయ‌ట. త్వ‌ర‌లోనే ఈ సినిమాకు సంబంధించిన వివ‌రాలు తెలుస్తాయి.