పెళ్ళి చూపులు చిత్రంతో క‌థానాయ‌కుడిగా తొలి విజ‌యం అందుకున్నారు విజ‌య్ దేవ‌ర‌కొండ‌. ఇక గ‌తేడాది వ‌చ్చిన అర్జున్ రెడ్డితో టాక్ ఆఫ్ ఇండ‌స్ట్రీ అయ్యారు. పాథ్ బ్రేకింగ్ మూవీగా ప్ర‌శంస‌లు పొందిన ఈ సినిమా త‌రువాత‌.. అర‌డ‌జ‌నుకి పైగా సినిమాల‌తో బిజీగా మారిపోయారు విజ‌య్‌. వీటిలో మూడు చిత్రాలు వేస‌వికే విడుద‌ల‌య్యే అవ‌కాశ‌ముంది.

విజ‌య్ జ‌ర్న‌లిస్ట్ పాత్ర‌లో క‌నిపించ‌నున్న మ‌హాన‌టి మార్చి 29న విడుద‌ల కానుండ‌గా.. టాక్సీవాలా, గీతాగోవిందం సినిమాలు కూడా వేస‌వికే ప్రేక్ష‌కుల ముందుకు వ‌చ్చే అవ‌కాశం ఉంది. ఇదిలా ఉంటే.. ఓన‌మాలు, మ‌ళ్ళీ మ‌ళ్ళీ ఇది రాని రోజు చిత్రాల ద‌ర్శ‌కుడు క్రాంతి మాధ‌వ్ ద‌ర్శ‌క‌త్వంలో విజ‌య్ ఓ చిత్రాన్ని చేయ‌నున్న సంగ‌తి తెలిసిందే. ప్ర‌ముఖ నిర్మాత కె.ఎస్‌.రామారావు నిర్మించ‌నున్న ఈ సినిమా ఏప్రిల్ నుంచి సెట్స్ పైకి వెళ్ళ‌నుంద‌ని తెలిసింది. ఫీల్ గుడ్ ఎంట‌ర్‌టైన‌ర్‌గా ఈ సినిమా ఉంటుంద‌ని తెలిసింది. త్వ‌ర‌లోనే ఈ సినిమాకి సంబంధించిన పూర్తి వివ‌రాలు వెలువ‌డ‌తాయి.