బాలీవుడ్‌లో ఈ ఏడాది విడుద‌లైన గ‌ల్లీబాయ్స్ మంచి విజ‌యాన్ని ద‌క్కించుకుంది. ర‌ణ‌వీర్ సింగ్‌, అలియా భ‌ట్ జంట‌గా న‌టించారు. ఈ సినిమాను తెలుగులో రీమేక్ చేస్తార‌ని వార్త‌లు వినిపించిన సంగ‌తి తెలిసిందే.

గ‌ల్లీబాయ్స్ హ‌క్కుల‌ను ద‌క్కించుకున్న గీతాఆర్ట్స్ బ్యాన‌ర్ ఆ చిత్రాన్ని సాయిద‌ర‌మ్ తేజ్‌తో తెర‌కెక్కిస్తార‌ని వార్త‌లు వినిపించాయి. అయితే రీసెంట్‌గా ఓ ఇంట‌ర్వ్యూలో తేజ్‌.. తాను గ‌ల్లీబాయ్స్ రీమేక్‌లో న‌టించ‌డం లేద‌ని తెలిపారు.

ఇప్పుడు విజ‌య్ దేవ‌ర‌కొండ‌తో గీతాఆర్ట్స్ ఈ రీమేక్‌ను రూపొందిస్తుంద‌ని వార్త‌లు విన‌ప‌డుతున్నాయి. ప్ర‌స్తుతం డియ‌ర్ కామ్రేడ్ సినిమాతో పాటు క్రాంతి మాధ‌వ్ సినిమాలో విజ‌య్ దేవ‌ర‌కొండ న‌టిస్తున్నాడు. ద‌క్షిణాది భాష‌ల్లో ఓ సినిమా చేయ‌బోతున్నాడు. తెలుగు నెటివిటీకి దూరంగా ఉన్న గ‌ల్లీబాయ్స్‌ను ఒక‌వేళ తెర‌కెక్కిస్తే ఎలా తెర‌కెక్కిస్తారో చూడాలి.