'தெய்வமகள்' உள்ளிட்ட ஒருசில தொலைக்காட்சி தொடர்களின் மூலம் பிரபலமான நடிகை வாணி போஜன், சமீபத்தில் வைபவ் நடிக்கும் 'N4' என்ற திரைப்படத்தில் நாயகியாக நடிக்க ஒப்பந்தமானார் என்பது தெரிந்ததே. இந்த படத்தை லோகேஷ் என்பவர் இயக்கி வருகிறார்.

இந்த நிலையில் பிரபல நடிகர் விஜய் தேவரகொண்டா தயாரிக்கும் முதல் படத்தில் நாயகியாக நடிக்க வாணி போஜன் ஒப்பந்தமாகியுள்ளார். விஜய் தேவரகொண்டா நடித்து சூப்பர் ஹிட்டான 'பெல்லி சூப்புடு' என்ற படத்தை இயக்கிய தருண் பாஸ்கர் இந்த படத்தில் ஹீரோவாக நடிக்கவுள்ளார்.

இந்த படத்தை சென்னையை சேர்ந்த சமீர் என்ற குறும்பட இயக்குனர் இயக்கவுள்ளார். இந்த படத்தில் நடிப்பது குறித்து வாணி போஜன் கூறியபோது, 'தனக்கு தெலுங்கு மொழி சரளமாக தெரியாது என்றாலும் படக்குழுவினர் பெரும்பாலானோர் தமிழில் பேசுவதால் தனக்கு சிரமம் இல்லை என்றும், வசனத்தை மனப்பாடம் செய்து ரிகர்சல் செய்து கொள்வதாகவும், படக்குழுவில் உள்ள சிலர் தனக்கு நல்ல ஒத்துழைப்பு தருவதால் தன்னால் தெலுங்கு படத்தில் எளிதாக நடிக்க முடிந்ததாகவும்' தெரிவித்துள்ளார்.