திரையுலகில் மேலும் ஒரு நட்சத்திர ஜோடி.. விஜய் தேவரகொண்டா - ராஷ்மிகா திருமணமா?
- IndiaGlitz, [Tuesday,January 09 2024]
திரை உலகில் ஏராளமான நட்சத்திர ஜோடிகள் சேர்ந்துள்ள நிலையில் தற்போது மேலும் ஒரு ஜோடியாக விஜய் தேவரகொண்டா மற்றும் ராஷ்மிகா இருவரும் திருமணம் செய்ய போவதாகவும் வரும் பிப்ரவரி மாதம் இருவருக்கும் நிச்சயதார்த்தம் நடக்க இருப்பதாகவும் பல ஊடகங்களில் செய்திகள் வெளியாகி கொண்டிருக்கின்றன.
தெலுங்கு திரையுலகின் முன்னணி நடிகர்களில் ஒருவரான விஜய் தேவர் கொண்டா நடித்த சில படங்களில் அவருக்கு ஜோடியாக ராஷ்மிகா மந்தனா நடித்துள்ளார் என்பதும் இருவரும் இணைந்து நடித்த படங்கள் சூப்பர் ஹிட் ஆகியுள்ளன என்பதும் குறிப்பிடத்தக்கது. குறிப்பாக கடந்த 2018 ஆம் ஆண்டு வெளியான ’கீதா கோவிந்தம்’ 2019 ஆம் ஆண்டு வெளியான ’டியர் காம்ரேட்’ ஆகிய படங்கள் மிகப்பெரிய வெற்றி பெற்றன. நடித்திருப்பார்கள்.
இந்த நிலையில் விஜய் தேவரகொண்டா, ராஷ்மிகா ஆகிய இருவரும் நெருக்கமான நட்புடன் இருப்பதாகவும் இந்த நட்பு பின்னாளில் காதலாக மாறியதாகவும் கூறப்பட்ட நிலையில் தற்போது வரும் பிப்ரவரி மாதம் இருவருக்கும் திருமண நிச்சயதார்த்தம் நடைபெற இருப்பதாகவும் இந்த ஆண்டு இறுதியில் திருமணம் நடைபெறும் என்றும் கூறப்படுகிறது.
ஊடகங்களில் இது குறித்த செய்திகள் வெளிவந்து கொண்டிருந்தாலும் விஜய் தேவரகொண்டா மற்றும் ராஷ்மிகா தரப்பினரிடம் இருந்து இன்னும் அதிகாரப்பூர்வ அறிவிப்பு வெளிவரவில்லை என்பது குறிப்பிடத்தக்கது.