பஞ்சாயத்து தேர்தலுக்காக பக்காவாக தயாராகும் விஜய்
Tuesday, July 4, 2017 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
இளையதளபதி விஜய்யின் சமீபத்திய நடவடிக்கைகள் அரசியலை நோக்கி சென்று கொண்டிருப்பதாக அரசியல் விமர்சகர்கள் தொலைக்காட்சி விவாதங்களில் கூறி வரும் நிலையில் விஜய் அதிரடியாக அரசியல் களத்தில் இறங்க தயாராகிவிட்டார். ஆனால் இப்போதைக்கு அவர் இறங்குவது 'மெர்சல்' படத்தில் அரசியல்வாதி கேரக்டராக என்பது குறிப்பிடத்தக்கது.
விஜய் நடித்து வரும் 'மெர்சல்' படத்தில் மூன்று கேரக்டர்களில் ஒன்று பஞ்சாயத்து தலைவர் என்பது தெரிந்ததே. இந்த நிலையில் சமீபத்தில் இயக்குனர் அட்லி வெளியிட்டுள்ள புகைப்படம் ஒன்றின் பின்னணி 'மெர்சல்' பட போஸ்டர் காணப்படுகிறது. இந்த போஸ்டரில் விஜய்யும் மொட்டை ராஜேந்திரனும் தேர்தல் களத்தில் நிற்பது போல் காணப்படுகிறது. மேலும் இந்த புகைப்படத்தின் பின்னணியில் இந்திய தேசிய கொடியும் ஒரு கட்சியின் கொடியும் உள்ளது. இதுகுறித்து படக்குழுவினர்களிடம் இருந்து நாம் தெரிந்து கொண்ட வரையில் விஜய் பஞ்சாயத்து தேர்தலில் போட்டியிடும் காட்சி படமாக்கப்படுவதாகவும், விஜய்க்கு ஜல்லிக்கட்டு காளை சின்னமாக இருப்பதாகவும் கூறப்படுகிறது.
ஏற்கனவே 'மெர்சல்' ஃபர்ஸ்ட்லுக்கில் ஜல்லிக்கட்டு காளையின் வடிவில் டைட்டில் இருந்ததால் இந்த படத்தில் தமிழர்களின் அடையாளமான ஜல்லிக்கட்டு காட்சிகள் இருக்கும் என்று ஊகிக்கப்படுகிறது. அந்த வகையில் அவர் ஜல்லிக்கட்டு காளையின் சின்னத்தில் போட்டியிடுவதாக இருக்கலாம்.
ஒருவேளை விஜய் எதிர்காலத்தில் அரசியலுக்கு வந்தால் மெர்சல் படத்தில் உள்ள ஜல்லிக்கட்டு காளை சம்பந்தப்பட்ட சின்னத்தையே பயன்படுத்துவாரா? என்பதையும் இந்த படம் அவருடைய அரசியல் வாழ்விற்கு வழிகாட்டுமா? என்பதையும் பொறுத்திருந்து பார்ப்போம்
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments