பிரபல நடிகர், இயக்குனர் பார்த்திபனின் மகள் கீர்த்தனா-அக்சய் திருமணம் நேற்று முன் தினம் சென்னையில் நடைபெற்றது என்பது தெரிந்ததே. இந்த திருமணத்தில் கமல்,ரஜினி உள்பட திரையுலக பிரபலங்களும், முதல்வர் எடப்பாடி பழனிச்சாமி உள்பட அரசியல் பிரமுகர்களும் கலந்து கொண்டு மணமக்களுக்கு வாழ்த்து தெரிவித்தனர்.

இந்த நிலையில் நேற்று கீர்த்தனா, அக்சய் தம்பதிகளை நேரில் சந்தித்து தளபதி விஜய் வாழ்த்து தெரிவித்தார். திருமண தினத்தன்று விஜய்க்கு படப்பிடிப்பு இருந்ததால் அவரால் திருமணத்தில் கலந்து கொள்ள முடியவில்லை என்பதால் நேற்று மணமக்களை அவர்களுடைய இல்லத்திற்கே சென்று பூங்கொத்து கொடுத்து வாழ்த்து தெரிவித்தார் என்று கூறப்படுகிறது. ஆனாலும் திருமணத்தில் விஜய்யின் பெற்றோர்கள் கலந்து கொண்டனர் என்பது குறிப்பிடத்தக்கது

விஜய் நேரில் வந்து வாழ்த்து தெரிவித்ததற்கு பார்த்திபன் மற்றும் மணமக்கள் அவருக்கு நன்றி கூறியுள்ளனர்.