மீண்டும் ஒருமுறை விஜய்யுடன் மோதும் விஷால்
- IndiaGlitz, [Thursday,November 24 2016]
விஷால், தமன்னா நடிப்பில் சுராஜ் இயக்கிய 'கத்திச்சண்டை' திரைப்படம் ஏற்கனவே நவம்பர் 18ஆம் தேதி ரிலீஸ் செய்ய திட்டமிடப்பட்டிருந்தது. ஆனால் திடீரென ஏற்பட்ட ரூபாய் நோட்டு பிரச்சனை காரணமாக இந்த படத்தின் ரிலீஸ் தேதியை தள்ளி வைப்பதாக படக்குழுவினர் வெளியிட்டிருந்த அறிக்கையை ஏற்கனவே பார்த்தோம்.
இந்நிலையில் சற்று முன் இந்த படத்தின் ரிலீஸ் தேதியுடன் கூடிய புதிய போஸ்டர் ஒன்று இணையதளங்களில் வெளியாகியுள்ளது. இந்த படம் வரும் பொங்கல் தினத்தில் வெளியாகவுள்ளதாக அந்த போஸ்டர் தெரிவிக்கின்றது.
இளையதளபதி விஜய் நடித்த 60வது படமான 'பைரவா' ஏற்கனவே பொங்கல் தினத்தில் வெளியிட திட்டமிட்டுள்ள நிலையில் அதே தினத்தில் விஷாலின் 'கத்திச்சண்டை' யும் ரிலீஸ் ஆகின்றது என்பது குறிப்பிடத்தக்கது.
கடந்த 2014ஆம் ஆண்டு விஜய்யின் 'கத்தி' திரைப்படமும், விஷாலின் 'பூஜை' திரைபடமும் மோதிய நிலையில் தற்போது மீண்டும் ஒருமுறை இருவரது படங்களும் ஒரே நாளில் வெளியாகவுள்ளது என்பது குறிப்பிடத்தக்கது.