'பைரவா' படத்தின் இறுதிக்கட்ட படப்பிடிப்பு திட்டங்கள்
- IndiaGlitz, [Saturday,September 10 2016]
இளையதளபதி விஜய் நடித்து வரும் 'பைரவா' படத்தின் படப்பிடிப்பு இறுதிக்கட்டத்தை நெருங்கிவிட்டது என்பதை அவ்வப்போது அறிவித்து வருகிறோம். இந்நிலையில் இறுதி கட்ட படப்பிடிப்புகளின் திட்டங்கள் குறித்த தகவல்கள் தற்போது கிடைத்துள்ளது.
இதன்படி 'பைரவா' படத்தின் அடுத்தகட்ட படப்பிடிப்பு செப்டம்பர் 28 வரை ராஜமுந்திரியில் நடைபெறவுள்ளதாகவும், அதன்பின்னர் படக்குழுவினர் சென்னையில் ஒருசில காட்சிகளின் படப்பிடிப்பை முடித்துவிட்டு பின்னர் ஒரு பாடலுக்காக ஐரோப்பிய நாடுகளுக்கு செல்லவுள்ளதாகவும் கூறப்படுகிறது. இந்த பாடலுடன் 'பைரவா' படத்தின் படப்பிடிப்பு முற்றிலும் முடிந்துவிடும் என்பது குறிப்பிடத்தக்கது. அடுத்த மாதத்திற்குள் படப்பிடிப்பு மற்றும் டப்பிங் பணிகளை விஜய் முடித்துவிடுவார் என எதிர்பார்க்கப்படுகிறது.
விஜய், கீர்த்தி சுரேஷ், சதீஷ், ஜெகபதிபாபு, டேனியல் பாலாஜி, சுதன்ஷி பாண்டே, பாப்ரிகோஷ், உள்ளிட்ட பலர் நடித்துள்ள இந்த படத்திற்கு சந்தோஷ் நாராயணன் இசையமைத்து வருகிறார். விஜயா புரடொக்ஷன்ஸ் நிறுவனம் பிரமாண்டமாக தயாரிக்கும் இந்த படத்தை 'அழகிய தமிழ்மகன்' பரதன் இயக்கி வருகிறார்.