விஜய்-அட்லி மீண்டும் இணைவது எப்போது?
- IndiaGlitz, [Wednesday,September 07 2016]
இளையதளபதி விஜய் நடித்த 'தெறி' என்ற சூப்பர் ஹிட் படத்தை இயக்கிய அட்லி, மீண்டும் விஜய்யுடன் இணைந்து ஒரு படத்தை இயக்குவார் என்று கூறப்பட்டு வரும் நிலையில் சமீபத்தில் அட்லி, விஜய்யை சந்தித்து அடுத்த படம் குறித்து ஆலோசனை செய்ததாக கூறப்படுகிறது.
ஏற்கனவே செல்வராகவன் விஜய்க்கு கதைகூறி ஒப்புதல் பெற்றதாக கூறப்படும் நிலையில் அட்லியும் விஜய்யை அவ்வப்போது சந்தித்து வருவதால் விஜய்யின் அடுத்தபட இயக்குனர் யார் என்ற எதிர்பார்ப்பு ஏற்பட்டுள்ளது.
இந்நிலையில் விஜய்க்கு நெருக்கமானவர்களிடம் இருந்து வெளிவந்துள்ள தகவலின்படி இருவருமே விஜய் படத்தை இயக்குவது உறுதி என்றும் இருவரில் ஒருவர் விஜய்யின் 61வது படத்தையும், மற்றொருவர் விஜய்யின் 62வது படத்தையும் இயக்குவார் என்றும் கூறப்படுகிறது. இருப்பினும் இதுகுறித்து அதிகாரபூர்வ தகவல் வரும்வரை பொறுமை காப்போம்